Read Batak Toba PSALMEN 112 Bible Online

PSALMEN 112 - Batak Toba bible

PSALMEN 112

¹Halleluya! [1] Martua ma baoa na mangkabiari Jahowa, na lomo roha situtu di angka patikna! [1432†]

²Sangap ma pinomparna i sogot di tano on, dapotan pasupasu ma sundut ni angka partigor sogot. [1433†]

³Hamoraon marlobilobi di bagasan jabuna, jala hot do hatigoranna i ro di salelenglelengna.

⁴Sai * binsar do di partigor i hatiuron di haholomon, sian Ibana pardengganbasa, parasi roha jala na bonar. [1434†]

⁵Mardohar ma baoa na asi roha dohot na pasalihonsa, tarondolhonsa ma angka hatana di paruhuman. [1435†]

⁶Ndang tagamon humordit ibana salelenglelengna, marbarita salelenglelengna do partigor i.

⁷Ndang tagamon mabiar ibana binahen ni barita hinamago, nalom do rohana marhaposan tu Jahowa. [1436†]

⁸Marsitiopan do rohana, ndang mabiar ibana, paima * idaonna pamaloson tu angka alona i. [1437†]

⁹* Manaburi ibana, mangalehon tu angka na pogos, hot do hatigoranna i ro di salelenglelengna, + timbul ma tandukna sogot di bagasan hamuliaon. [1438†]

¹⁰Idaon ni parjahat i ma i sogot, jala hagitikhononna, * patungoripon ma iponna jala malangke ibana, matua lonong do pinangido ni angka parjahat i. [1439†]