Read Batak Toba PSALMEN 116 Bible Online

PSALMEN 116 - Batak Toba bible

PSALMEN 116

¹I. [1] Holong do rohangku di Jahowa, ala naung ditangihon joujoungki, parhurajaionku.

²Ai nunga dipaeleng pinggolna tu ahu, jadi sai jouonku ma Ibana, saleleng ahu mangolu.

³Nunga pola dihaliangi * angka rante ni hamatean ahu, jala nunga pola mangonai tu ahu angka hagogotan ni banua toru, nunga pola mangonai tu ahu hagogotan dohot pardangolan. [1462†]

⁴Dung i hupajoujou ma goar ni Jahowa: Ale Jahowa, sai palua ma tondingki!

⁵Parasi roha do Jahowa jala na bonar, jala parasi roha do Debatanta i. [1463†]

⁶Siramoti angka siunjur roha do Jahowa, nunga tung tarjepol ahu, jadi Ibana mangurupi ahu.

⁷* Mulak ma ho, ale tondingku, tu paradiananmi, ai denggan do uhum ni Jahowa tu ho. [1464†]

⁸Tongon do, nunga dipalua Ho tondingku sian hamatean, matangku sian iluilu, pathu sian partuktuhan.

⁹Sai marparange di jolo ni Jahowa ma ahu di angka luat ni halak na mangolu. [1465†]

¹⁰* Porsea do ahu umbahen huhatahon, mansai dangol situtu do ahu huhilala. [1466†]

¹¹Ianggo ahu, nunga pola hudok di hatahutonku: * Sude jolma pargabus. [1467†] II.

¹²Tung beha ma pamaloshu tu Jahowa, ala saluhut denggan ni uhumna i tu ahu!

¹³Jaloonku do panginuman ni angka hatuaon, jala pajoujouonku do goar ni Jahowa.

¹⁴Gararonku ma angka bagabagangku tu Jahowa, apala di adopan ni sandok bangsona. [1468†]

¹⁵Arga do di roha ni Jahowa hamamate ni angka na niasianna i. [1469†]

¹⁶Antong, ale Jahowa, nunga tung naposom ahu, naposom do ahu, anak ni hatobanmu, nunga diharhari Ho angka rante sian ahu. [1470†]

¹⁷Sai pelehononku ma tu Ho pelean hamauliateon, jala sai pajoujouonku ma goar ni Jahowa.

¹⁸Sai gararonku ma angka bagabagangku tu Jahowa, apala di adopan ni sandok bangsona.

¹⁹Di angka alaman ni bagas ni Jahowa, di parsitongaanmi, ale Jerusalem! Halleluya!