Read Batak Toba PSALMEN 12 Bible Online

PSALMEN 12 - Batak Toba bible

PSALMEN 12

¹Ende sian si Daud. I.

²Sai manumpak ma Ho, ale Jahowa, ai nunga lam moru angka na daulat marroha i, lam otik do manisia, angka na burju marroha. [122†]

³Na so hasea i do dihata i be dohot donganna, marbibir na landit, jala * mardua roha nasida mangkatai. [123†]

⁴Sai diginsir Jahowa ma sude bibir angka na landit i, dohot angka dila, na jungkat marpangkuling.

⁵Angka na mandok: Sai monang do hami dibahen dilanami, bibirnami do mandongani hami, tung ise ma rajanami? [124†] II.

⁶Mida hamamago ni angka na dangol dohot mida andung ni angka na pogos, * hehe ma Ahu nuaeng, ninna Jahowa, ampehononku ma tua tu angka na mangkalungunhonsa. [125†]

⁷* Na sintong do angka hata ni Jahowa, songon perak naung nilala di bagasan balanga, pola + pitu hali tinapis. [126†]

⁸Ho do, ale Jahowa, mangondingi nasida, paluaonmu do ibana sian halak na * sansundut on, ro di salelenglelengna. [127†]

⁹Nang pe monsong humaliang angka parjahat i dibahen panimbuk ni hajungkaton ni jolma manisia. [128†]