Read Batak Toba PSALMEN 13 Bible Online

PSALMEN 13 - Batak Toba bible

PSALMEN 13

¹Ende sian si Daud.

²Sadia leleng on do, ale Jahowa, sai halupahononmu ahu tongtong? Sadia leleng on do tabunihononmu bohim sian ahu? [129†]

³Sadia leleng on sai mardondami rohangku, sai humasusa rohangku di bagasan manipat ari? Sadia leleng on sai angatan ni alongku ahu?

⁴Tatap tu on, jala alusi ahu, ale Jahowa, Debatangku; sai * patiur ma parnidaanku, asa unang laos + mate modom boti ahu. [130†]

⁵Asa unang dohonon ni musungku: Nunga tung hupatunduk ibana, gabe marsurak angka alongku maon, molo tung reberebe ahu. [131†]

⁶Alai anggo ahu, marhaposan tu asi ni roham do ahu, ingkon * marolopolop rohangku mida pangurupim, marende ma ahu tu Jahowa, ai denggan do uhumna tu ahu. [132†]