Read Batak Toba PSALMEN 132 Bible Online

PSALMEN 132 - Batak Toba bible

PSALMEN 132

¹Ende hananangkok. I. [1] Sai ingot ma, ale Jahowa, di si Daud sude angka parniahapanna!

²Na marmangmang i ibana tu Jahowa, marbagabagahon tu Sipargogoi Jakkob: [1616†]

³Molo tung bongotanku undungundung ni bagashu, molo tung panaehonku podoman hapeahanku.

⁴Molo tung loasonku tarnono matangku manang tung podompodom bolak langkop ni matangku. [1617†]

⁵Paima jumpang ahu sada ojahan di Jahowa, sada inganan di Sipargogoi Jakkob. [1618†]

⁶Ida ma, nunga itabege barita ni poti parpadanan di Eprata, nunga jumpang hita di * ladang ni si Jaar. [1619†]

⁷Antong itabongoti ma angka ingananna i, marsomba ma hita tu jolo ni sidegedegean ni totna! [1620†]

⁸Hehe ma Ho, ale Jahowa, mandapothon paradiananmu, Ho dohot poti hamuliaonmu! [1621†]

⁹Sai marpangkean hatigoran ma angka malimmi jala marolopolop angka na niasianmu. [1622†]

¹⁰Ala ni si Daud, naposomi, unang tulakkon bohi ni na miniahanmu! [1623†] II.

¹¹Nunga pola * diuarihon Jahowa hasintongan tu si Daud, ndang tagamon ubaonna: Sian pinomparmi do pabangkitonku di ho nampuna habangsa i. [1624†]

¹²Molo tung diradoti angka anakmu padan na hubahen i, dohot panindangionku na huajarhon tu nasida, anaknasida pe sai hundul do di habangsam ro di salelenglelengna.

¹³Ai nunga dipillit Jahowa Sion, dipangido rohana naeng maringanan disi. [1625†]

¹⁴On do paradiananku ro di salelenglelengna, dison do Ahu naeng maringan, ai hasudungan ni rohangku do i.

¹⁵Sai pasupasuonku do bohalna i, pamahaponku do angka na pogosna i mangan roti.

¹⁶Jala bahenonku do angka malimna i marpangkean hatuaon, jala ingkon mariaia do angka na niasianna i.

¹⁷Patimbulonku ma disi sada * tanduk di si Daud, paradehon sada + palito di na miniahanku na miniahan. [1626†]

¹⁸Bahenonku ma ianggo angka musuna * marulos haurahon, alai marlinanglinang ma ianggo di uluna tumpalna i. [1627†]