Read Batak Toba PSALMEN 136 Bible Online

PSALMEN 136 - Batak Toba bible

PSALMEN 136

¹I. [1] Mandok mauliate ma hamu tu Jahowa, ai pardengganbasa do Ibana, ai ro di salelenglelengna do asi ni rohana. [1644†]

²Mandok mauliate ma hamu tu Debata, na mangatasi angka Debata sileban, ai ro di salelenglelengna do asi ni rohana.

³Mandok mauliate ma hamu tu Tuhan ni angka tuan, ai ro di salelenglelengna do asi ni rohana.

⁴Ibana sandiri jumadihon halongangan angka na bolon, ai ro di salelenglelengna do asi ni rohana. [1645†]

⁵Ibana sandiri jumadihon angka langit marhitehite hapistaran, ai ro di salelenglelengna do asi ni rohana. [1646†]

⁶Ibana sandiri paherbang tano on di atas ni angka aek, ai ro di salelenglelengna do asi ni rohana.

⁷Ibana sandiri jumadihon panondang angka na bolon, ai ro di salelenglelengna do asi ni rohana. [1647†]

⁸Mata ni ari bahen pangguruan ni arian, ai ro di salelenglelengna do asi ni rohana.

⁹Bulan i dohot angka bintang bahen pangguruan ni borngin, ai ro di salelenglelengna do asi ni rohana. II.

¹⁰Ibana sandiri mambunu angka buhabaju ni Misir, ai ro di salelenglelengna do asi ni rohana. [1648†]

¹¹Jala diparuar Israel sian tongatonganasida, ai ro di salelenglelengna do asi ni rohana.

¹²Marhitehite tangan na gogo jala botohon na toltol, ai ro di salelenglelengna do asi ni rohana. [1649†]

¹³Ibana naung umponggol laut pararungan i gabe dua bagian, ai ro di salelenglelengna do asi ni rohana. [1650†]

¹⁴Jala dipataripar Israel sian tongatongana, ai ro di salelenglelengna do asi ni rohana.

¹⁵Jala dipangalonongkon Firaun dohot angka paranganna tubagasan laut pararungan i, ai ro di salelenglelengna do asi ni rohana.

¹⁶Ibana sandiri manogihon bangsona di halongonan, ai ro di salelenglelengna do asi ni roha.

¹⁷Ibana mambunu raja angka na bolon, ai ro di salelenglelengna do asi ni rohana. [1651†]

¹⁸Jala diragehon raja angka na sangap, ai ro di salelenglelengna do asi ni rohana.

¹⁹Si Sihon i, raja ni halak Amori, ai ro di salelenglelengna do asi ni rohana.

²⁰Dohot si Og, raja ni Basan, ai ro di salelenglelengna do asi ni rohana.

²¹Jala dilehon tanonasida bahen partalian, ai ro di salelenglelengna do asi ni rohana.

²²Partalian ni halak Israel naposona i, ai ro di salelenglelengna do asi ni rohana.

²³Ibana marningot hita di hajimputonta i, ai ro di salelenglelengna do asi ni rohana.

²⁴Jala dirampas do hita sian angka alontai, ai ro di salelenglelengna do asi ni rohana.

²⁵Ibana * mangalehon sipanganon tu nasa sibuk, ai ro di salelenglelengna do asi ni rohana. [1652†]

²⁶Mandok mauliate ma hamu tu Debata ni angka surgo, ai ro di salelenglelengna do asi ni roha.