Read Batak Toba PSALMEN 138 Bible Online

PSALMEN 138 - Batak Toba bible

PSALMEN 138

¹Ende sian si Daud. Mandok mauliate ma ahu tu Ho sian nasa rohangku, di jolo ni angka Debata paluonku parhinaloan umpuji Ho.

²Marsomba ma ahu mandompakkon jorom na badia i, jala pujionku ma goarmi ala ni asi ni roham dohot ala ni hasintonganmi, ai nunga dipabalga Ho bagabagam, tumindi nasa goarmu. [1658†]

³Dialusi Ho do ahu di ari pangalualuanki, nunga dipapir Ho tondingku, gabe margogo rohangki.

⁴Sai mandok mauliate tu Ho do, ale Jahowa, sude angka raja ni tano on sogot ia dung dibege nasida angka bagabaga ni pamanganmu. [1659†]

⁵Jala marende do nasida sogot mida angka dalan ni Jahowa, ai timbul do hamuliaon ni Jahowa.

⁶Ai timbul do tongon Jahowa, jala ditatap do na serep roha i, jala ditanda do sian na dao na ginjang roha i. [1660†]

⁷Molo mardalandalan ahu di parsitongaan ni hagogotan, dipangolu Ho do ahu, diondingkon Ho do tanganmu dompak muruk ni angka musungku, jala ditumpahi siamunmi do ahu.

⁸Sai paujungon ni * Jahowa do mangondihon ahu, ale Jahowa ro di salelenglelengna do asi ni roham, unang tadingkon jadijadian ni tanganmu. [1661†]