Read Batak Toba PSALMEN 139 Bible Online

PSALMEN 139 - Batak Toba bible

PSALMEN 139

¹Ende sian si Daud. I. [1] Ale Jahowa, disulingkit jala ditanda Ho do ahu! [1662†]

²Sai diboto Ho do manang na hundul manang na jongjong ahu, gari sian na dao * diantusi Ho do pingkiranku. [1663†]

³Manang mardalandalan manang modom ahu, disege Ho do ahu, jala tangkas do diboto Ho angka dalanku sudena. [1664†]

⁴Ai ndang adong nanggo sada hata di atas dilangku, tongon do ale Jahowa, diboto Ho do sudena i.

⁵Tole sian pudi tole sian jolo dihaliangi Ho do ahu, jala dilinggom tanganmu do ahu.

⁶Tung masurungku do parbinotoan sisongon i di ahu, matimbohu do, ndang hadongdongan ahu.

⁷Tung tudia ma tarbahen ahu laho maradophon tondim, jala tung tudia ma tarbahen ahu maporus maradophon bohim?

⁸Tung sura * manaek ahu tu banua ginjang, disi do Ho, jala tung sura hubahen banua toru podomanku, ida ma disi do Ho. [1665†]

⁹Tung sura manginjam ahu di angka habong ni buha siang ari, laho * songgop nian tu bariba ni laut. [1666†]

¹⁰Nang disi sai toguon ni tanganmu do ahu, jala tiopon ni siamunmu ahu.

¹¹Jala tung sura hudok: * Haholomon sambing ma manghungkupi ahu, jadi hatiuron do borngin i humaliang ahu. [1667†]

¹²Haholomoni pe, ndang mangkolom ianggo di jolom, jala marsinondang do borngin songon arian, songon hatiuron i suang songon i haholomon marimpotimpot. [1668†]

¹³Ai Ho do na manompa angka piangku, ditonun Ho do ahu di bagasan bortian ni dainang.

¹⁴Mandok mauliate ma ahu tu Ho ala ni * surung ni pambahenmu di ahu, na sumurung do angka jadijadianmu, jala tangkas situtu do i ditanda rohangku. [1669†]

¹⁵Nda tung buni holiholingku di jolom, uju na tarjadi ahu di * sihabunian, uju na tarsirat ahu di dalam laut. [1670†]

¹⁶Di hurungan manuk ahu, nunga diida angka matam, jala nunga tarsurat tu pustaham sasudena i, nunga binuhul hian * angka ariaringku, uju so adong dope nanggo sada. [1671†] II.

¹⁷Dibahen i mansai arga situtu do angka * pingkiranmu di ahu, ale Debata, jala mansai torop do bilanganna. [1672†]

¹⁸Tung sura naeng rajumanku, * tumorop do nasida sian horsik; molo + ngot ahu, tong dope ahu di lambungmi. [1673†]

¹⁹Aut dibunu Ho ma nian parjahat i, ale Debata, jala hamu ale angka baoa sisopsop mudar, pasurut hamu ma sian ahu!

²⁰Nasida angka na manaringoti Ho mambahen sireheon, marsineang do angka alom mandok goarmu. [1674†]

²¹Tung so hagigihononku ma, ale Jahowa, angka na mangkagigihon Ho, tung so marbiasbias ahu mida angka na hehe mangalo Ho? [1675†]

²²Tung na sun do gigi ni rohangku di nasida, jadi musungku do nasida.

²³Sulingkit ma ahu, ale Debata, jala tanda rohangki, uji ma ahu jala tanda angka pingkiranki. [1676†]

²⁴Jala ida, manang tung adong lapang haporsuhon di bagasan ahu, jala togu ahu di dalan salelenglelengna. [1677†]