Read Batak Toba PSALMEN 140 Bible Online

PSALMEN 140 - Batak Toba bible

PSALMEN 140

¹Ende sian si Daud.

²Sai palua ma ahu, ale Jahowa, sian jolma parjahat i, sai ramoti ahu sian baoa siulahon jorjor!

³Angka na umpingkiri hajahaton di bagasan rohana, angka na patubitubi hamusuon ganup ari. [1678†]

⁴Sai ditansiri nasida do dilanasida, songon ulok, * bisa ni ulok dari do di toru ni bibirnasida. Sela! [1679†]

⁵Sai ramoti ma ahu, ale Jahowa, maradophon angka tangan ni parjahat i, maradophon baoa siulahon jorjor, angka na mamingkiri mambahen tarsulandit pathu.

⁶Marsibuni do angka na ginjang roha manaon aring dompak ahu dohot angka jorgong, nunga dipahirtang nasida angka * rambang di pinggol ni dalan, nunga pola ditaon nasida angka bostang padapot ahu. Sela! [1680†]

⁷Jadi ningku ma tu Jahowa: * Debatangku do Ho, sai pinggol ma, ale Jahowa, soara ni angguhanggukkon! [1681†]

⁸Jahowa, Tuhanki do partanobatoan ni hatuaonku, nunga diondingi Ho ulungku di ari hatongtangan.

⁹Sai unang lehon, ale Jahowa, pinangido ni parjahat i, sai unang tulus sangkapna i, lam tu ginjangna roha nasida maon. Sela!

¹⁰Sai pate tu ulu ni angka na mangonsongi ahu ma hajahaton ni bibirnasida i! [1682†]

¹¹Diambalangkon Ibana ma nian tu nasida angka gara, tubagasan api ma nian nasida didabuhon, tubagasan angka lung, unang tarbahen nasida be hehe. [1683†]

¹²Sai unang ma hot baoa pardila siduatdait di tano on, sai dilotongi hinamago ma baoa siulahon jorjor patompu mago.

¹³Tangkas do huboto, sai na maruli uhum do na dangol dohot angka na pogos bahenon ni Jahowa. [1684†]

¹⁴Tongon do, sai pujion ni angka partigor i do goarmu sogot, sai mian di jolo ni bohim do angka na unjur roha.