Read Batak Toba PSALMEN 141 Bible Online

PSALMEN 141 - Batak Toba bible

PSALMEN 141

¹Ende sian si Daud. Ale Jahowa, Ho do na hupajoujou, halaputi ma mandapothon ahu, sai tangi ma soarangki, molo joujou ahu tu Ho!

²Sai martimpul ma tangiangku bahen * daupa di jolom, panindang ni tanganku bahen + pelean sipanganon bodari. [1685†]

³Sai bahen ma siramoti pamanganku, ale Jahowa, sai jagai ma pintu ni angka bibirhu! [1686†]

⁴Unang loas rohangku manimbil * paihuthon parkaro na jat, laho marpangalahohon angka pambahenan di hajahaton rap dohot baoa angka siulahon hajahaton, jala unang tung mangapian ahu naeng mandai panganon pangomoannasida i. [1687†]

⁵Denggan tahe * dilinsingi partigor i ahu, asi ni roha do i, diajar pe ahu, miak tu ulu do i, sai unang ma diupirhon ulungku antong, ai tong do tangiangki alo ni hajahatonnasida i. [1688†]

⁶Ditunggalingkon do angka panguhumnasida tu dorpi ni batu hopit, jadi nunga dibege nasida hatangku angka na dampor i.

⁷Songon paninggala na mamunggari tano i, angka maraburan holiholinta ro di baba ni banua toru.

⁸Ai tu Ho do, ale Jahowa, Tuhanku, manaili matangku, marhaposan tu Ho do ahu: Unang tung durushon hosangki! [1689†]

⁹Sai ramoti ma ahu sian angka mata ni jorgong, na tinaonnasida padapot ahu, dohot sian angka rambang ni angka siulahon hajahaton!

¹⁰Sai madabu ma angka parjahat i tubagasan jorgongna be, malua boti ma ianggo ahu. [1690†]