Read Batak Toba PSALMEN 142 Bible Online

PSALMEN 142 - Batak Toba bible

PSALMEN 142

¹Tangiang sipodaon sian si Daud, uju di bagasan liang ibana. [1691†]

²Mangangguk badar ahu joujou tu Jahowa, marhuraja do soarangku tu Jahowa.

³Hupangusehon do alualungku tu jolona, hupabotohon hagogotanki tu jolona.

⁴Molo * holom parnidaan ni tondingki di bagasan, sai diboto Ho langkalangkangku; + marsibuni nasida manaon jorgong di dalan sibolunsonku, padapot ahu nian. [1692†]

⁵Tailihon ma dompak siamun jala ida, hape ndang adong na maralealehon ahu, polpol do haporusanku, ndang adong na marhamaol hosangki.

⁶Mangangguhi tu Ho do ahu, ale Jahowa, ningku do: Ho do haporusanku, parjambaranku di * tano hangoluan on. [1693†]

⁷Sai parateatehon ma angguk i, ai maras situtu do huhilala, sai * palua ma ahu sian angka na mangalotongi ahu, ai gumogo do nasida sian ahu. [1694†]

⁸Sai * paruar ma tondingki sian hurungan, asa hupuji goarmu. Marrongoman do sogot marpungu tu ahu angka partigor i, ala binahenmi na denggan i tu ahu. [1695†]