Read Batak Toba PSALMEN 144 Bible Online

PSALMEN 144 - Batak Toba bible

PSALMEN 144

¹Ende sian si Daud. I. [1] Pinuji ma Jahowa, partanobatoanki, na * mangajari tanganku marporang, angka jarijaringku mangulahon hamusuon. [1703†]

²Parasiroha di ahu jala partanobatoanku, haporusanku dohot sipalua ahu, lombulombungku, jala marhaporusan tu Ibana do ahu, Ibana patundukkon bangsongku, asa guru di ahu. [1704†]

³Ale Jahowa, tung aha ma nian jolma, umbahen pola ditanda Ho ibana? Anak ni jolma na gale, umbahen pola diparhamaol Ho ibana? [1705†]

⁴Tudos tu hosa sambing do jolma i, songon * halinu na mamolus do angka ariarina i. [1706†]

⁵Ale Jahowa, sai * pajomba ma angka langitmi, jala tuat ma Ho, sai + jama angka dolok asa martimus nasida! [1707†]

⁶Sai hilaphon ma hilapi jala paserak nasida, asi siorhon ma angka sumbiam, asa guntur nasida! [1708†]

⁷Sai surdukkon ma tanganmu sian banua ginjang, sai enet jala palua ma ahu sian angka aek magodang, sian tangan ni angka anak na pulik marga.

⁸Angka parpamangan na mangkatahon na so marniula, jala siamun pangansion do siamunnasida i. [1709†] II.

⁹Ale Debata, ende na imbaru ma endehononku di Ho, mardongan hasapi sisampulutali mamuji Ho. [1710†]

¹⁰Ho do na mangalehon tua tu angka raja, paluahon naposom si Daud sian goluk hamagoan.

¹¹Sai rampasi jala, palua ma ahu sian tangan ni angka anak na pulik marga, * parpamangan angka na mangkatahon na so gabeak, jala siamun pangansi do siamunnasida i! [1711†]

¹²Ala simbur magodang angka anaknami di hadanakonna songon * suansuanan, ia borunami songon tiang na nirungkungan mangihuthon parruhuton ni bagas bolon. [1712†]

¹³Angka soponami gok do, ripe alapan sian i bohal ragamragam; ia birubirunami sinur ganda marriburibu jala marloksaloksa di alamannami.

¹⁴Marlambe do angka lombunami, soada na tumbason, jala soada na tarposo, jala ndang adong angguhangguk di alamannami. [1713†]

¹⁵Martua ma bangso na songon i maruntung, martua ma bangso na mardebatahon Jahowa! [1714†]