Read Batak Toba PSALMEN 146 Bible Online

PSALMEN 146 - Batak Toba bible

PSALMEN 146

¹Halleluya! Ale tondingku, puji ma Jahowa!

²Pujionku ma Jahowa saleleng ahu mangolu, sai endehononku do Debatangku saleleng adong dope ahu. [1725†]

³Unang marhaposan hamu tu angka pangarajai, tu anak ni jolma, na so umpeop panumpahion di bagasan ibana. [1726†]

⁴Ia ruar sogot * tondina i, mulak ma ibana tu tanona, di ari na sasada i pesan ma sude angka sangkapsangkapna i. [1727†]

⁵Martua ma manang ise, na mambahen Debata ni si Jakkob pangurupina, marpangkirimon ibana di Jahowa Debatana!

⁶Sitompa langit dohot tano on dohot laut ro di isina sudena, Siingot hasintongan ro di salelenglelengna. [1728†]

⁷Sipatingkos uhum tu angka na nirupa, Silehon sipanganon tu angka na male. Jahowa mangkarhari angka na tarrante.

⁸Jahowa patonggor mata ni angka na mapitung, Jahowa pahehe angka na * tungki, Jahowa mangkaholongi angka partigor. [1729†]

⁹Jahowa mangaramoti * halak na buro, Ibana + margogoihon angka na sopot so marama so marina dohot angka na mabalu, jala dipalipe ianggo dalan ni angka parjahat. [1730†]

¹⁰Jahowa do raja ro di salelenglelengna, Debatami, ale Sion, marsundutsundut do Halleluya! [1731†]