Read Batak Toba PSALMEN 147 Bible Online

PSALMEN 147 - Batak Toba bible

PSALMEN 147

¹I. [1] Halleluya! Ai denggan do endehononhon Debatanta, ai hasudungan do Ibana tama papujipujion. [1732†]

²Jahowa do na pauli Jerusalem, Ibana na papunguhon halak Israel angka na mampar i. [1733†]

³Ibana pasabam angka parroha bojok, jala dililiti angka bugangnasida i. [1734†]

⁴Ibana umbilang torop ni angka bintang, dijou do goarnasida sudena. [1735†]

⁵Timbul do Tuhanta i jala pargogo situtu, ndang habilangan parbinotoannai. [1736†]

⁶Jahowa pahehehon angka na nirupa, dipatungki tu tano ianggo angka parjahat i. [1737†]

⁷Marende taripar ma hamu umpuji Jahowa marhitehite hamauliateon, palu hamu ma uninguningan mamuji Debatanta!

⁸Ibana manghungkupi langit i marhitehite ombun, Ibana paradehon udan tu tano on, Ibana patumbur duhutduhut di angka dolok. [1738†]

⁹Ibana mangalehon tu pinahan gagatonnasida, nang tu angka * anak ni pidong sigak, angka na ngoakngoak. [1739†]

¹⁰Ndang lomo rohana mida hagogoon ni hoda, ndang lomo rohana mida haehae ni baoa. [1740†]

¹¹Dihalomohon roha ni Jahowa do tahe angka na mangkabiari Ibana, angka na mangkalungunhon asi ni rohana i. II.

¹²Puji ma Jahowa, ale Jerusalem, puji ma Debata, ale Sion!

¹³Ai Ibana patogu angka ransang ni pargumbanganmu, Ibana mamasumasu angka anakmu di parsitongaanmi.

¹⁴Ibana mambahen marhademahon parbalohanmu, * dipamahap do ho dohot eme na marmiak. [1741†]

¹⁵Ibana manongos bagabagana tu tano on, mansai doras marlojong hatana i.

¹⁶Ibana na mangalehon ambolas songon imput ni birubiru, disaburhon do nambur songon sirabun. [1742†]

¹⁷Ibana maninggangkon ambolasna martanggotanggo; tung ise ma manahan jongjong maradophon ngalina?

¹⁸Ibana manongos hatana, gabe malala angka i, dipaborhat anginna, mabaor ma angka aek.

¹⁹Ibana mamaritahon hatana tu si Jakkob, angka patikna dohot uhumna tu Israel. [1743†]

²⁰Ndang dung dibahen songon i ianggo tu manang ise bangso parbegu, jala ndang diboto nasida angka uhumna. Halleluya! [1744†]