Read Batak Toba PSALMEN 148 Bible Online

PSALMEN 148 - Batak Toba bible

PSALMEN 148

¹Halleluya! Puji ma Jahowa, hamu ale angka sian banua ginjang, puji hamu Ibana di angka banua ginjang! [1745†]

²Puji Ibana, sude hamu ale angka surusuruanna, puji Ibana, sude hamu ale angka paranganna! [1746†]

³Puji Ibana, ho ale mata ni ari dohot bulan, puji Ibana, sude hamu ale bintang angka na marsinondang i!

⁴Puji Ibana, hamu ale angka langit ni langitan dohot hamu ale aek angka na di atas ni langit!

⁵Ingkon pujionnasida ma goar ni Jahowa, ai mandokkon Ibana, jadi tartompa ma nasida. [1747†]

⁶Jala Ibana * pahot angka nasida ro di salelenglelengna, dibahen do sada aturan jala ndang halaosansa. [1748†]

⁷Puji ma Jahowa, hamu ale angka sian tano on, angka binatang ni laut ro di sude angka lung!

⁸Ho ale api dohot ambolas ro di timus, habahaba, na pasauthon hatana i.

⁹Hamu ale angka dolok dohot sude angka robean, hamu ale hau angka na marparbue ro di sude hau Ares.

¹⁰Ho ale binatang dohot sude pahanpahanan, angka gulomit ro di angka pidong na marhabong.

¹¹Hamu ale angka raja ni tano on dohot sude angka bangso, hamu ale angka pangarajai ro di sude angka panguhum ni tano on.

¹²Hamu ale angka dolidoli dohot namarbaju pe, hamu ale angka natuatua rap dohot angka na bajar.

¹³Ingkon pujionnasida ma goar ni Jahowa, ai sasada goarna i do na timbul, diatasi hamuliaonna i do tano on dohot angka langit! [1749†]

¹⁴Jala Ibana patimbul sada * tanduk di bangsona i, bahen pujipujian di sude angka na niasianna, di angka anak ni Israel, bangso hasolhotonna i. Halleluya! [1750†]