Read Batak Toba PSALMEN 149 Bible Online

PSALMEN 149 - Batak Toba bible

PSALMEN 149

¹Halleluya. Endehon hamu ma * di Jahowa sada ende na imbaru, pujipujianna di bagasan luhutan ni angka na niasian! [1751†]

²Marlas ni roha ma Israel mida * Sitompa ibana, marolopolop ma angka anak ni Sion mida + rajanasida i! [1752†]

³Ingkon pujionnasida ma goarna marhaliang arbap, mardongan sordam dohot sarune pujionnasida Ibana!

⁴Ai lomo do roha ni Jahowa mida bangsona, dipahei do angka na dangol marhitehite hatuaon. [1753†]

⁵Marolopolop ma sogot angka na niasian di bagasan hamuliaon, mariaia ma nasida di atas podomannasida i.

⁶Angka ende hatimbulon ni Debata do di bagasan aruarunasida, jala podang sidua baba do di tangannasida.

⁷Laho patupahon partubolon tu angka parbegu, angka paminsangon tu angka bangso. [1754†]

⁸Laho tarihot angka rajanasida dohot rante, jala angka na sangap sian nasida dohot angka bostang bosi.

⁹Asa pasonggophon tu nasida uhum na tarsurat i. Hamuliaon ma i di sude angka na niasianna. Halleluya!