Read Batak Toba PSALMEN 16 Bible Online

PSALMEN 16 - Batak Toba bible

PSALMEN 16

¹Ende sieheteheton sian si Daud. I. [1] Sai ramoti ma ahu, ale Debata, ai marhaposan tu Ho do ahu. [145†]

²* Ningku do mandok Jahowa: ** Ho do Tuhanku, ndang adong hasonanganku + dungkon ni Ho. [146†]

³Taringot tu nabadia angka na di tano on: Nasida do angka na sangap jala apala * hasudungan ni rohangku situtu. [147†]

⁴* Godang do sitaonon ni angka na hapogan ** paimbarhon Debata, ndang olo ahu mangusehon peleannasida sian mudar, jala + subang do rohangku mandok angka goarnasida. [148†]

⁵Jahowa do partalianku dohot panginumanki, Ho do pasintong jambarhu. [149†]

⁶Jadi tano na lunak do partalianku, tongon tahe, na uli situtu do jambarhu. [150†]

⁷Papujipujionku ma Jahowa, * na marrohaihon ahu, dohot do puangku palumba ahu + bornginna i. [151†] II.

⁸Tongtong do hubahen Jahowa tu jolongku, ai molo * di siamunhu Ibana, ndang tagamon humordit ahu. [152†]

⁹Ala ni las ma rohangku jala marolopolop * tondingku, ** dagingku pe + sinok do maringanan dibahen. [153†]

¹⁰Ai ndang tagamon * pasombuonmu tondingku di banua toru, ndang tagamon loasonmu hasianmu + marnida habusukon. [154†]

¹¹Sai pabotohononmu do tu ahu * dalan hangoluan, sun ma las ni roha + di adopan ni bohim, angka hasudungan ni roha masa di siamunmu salelenglelengna. [155†]