Read Batak Toba PSALMEN 17 Bible Online

PSALMEN 17 - Batak Toba bible

PSALMEN 17

¹Tangiang sian si Daud. [1] Sai tangi ma hasintongan, ale Jahowa, tangihon ma * alualungkon! Sai tarehon ma pinggolmu tu tangiangkon sian bibir na so marpangansi! [156†]

²Sai dapotan uhum ma ahu sian bohim, sai ditatap matam ma hasintongan. [157†]

³Nunga * didodo Ho rohangki, ditingkir Ho bornginna i, dilala Ho do ahu, hape ndang adong jumpang Ho, hupompangi do angka pingkiranku, asa unang mangalaosi pamanganku. [158†]

⁴Sai marjaga do ahu di langkalangka ni jolma sipangarupa, di angka pambahenan ni jolma dompak hata ni pamanganmu. [159†]

⁵Sai diihutihut langkalangkangku do angka bogasmu, ndang maoraor pangalangkangku. [160†]

⁶Sai Ho do hupajoujou, ai dialusi Ho do ahu, ale Debata! Sai tarehon ma pinggolmu tu ahu, tangihon ma hatangkon! [161†]

⁷Sai * marhasurungan ma bahen angka asi ni roham, Ho ale Sipartumpak, tu angka na marhaporusan tu Ho maradophon angka na + mangalo tanganmu siamun i. [162†]

⁸Sai ramoti ma ahu, songon anak ni mata, sai ondingi ma ahu di linggoman ni angka habongmi. [163†]

⁹Moradophon parjahat, angka na naeng mangago ahu, maradophon musungku, * angka na monsong mangarohai ahu. [164†]

¹⁰Sai di hunsi nasida do tabotabona, sai hajungkaton do dihatahatahon pamanganna. [165†]

¹¹Sai diiraniran nasida do nuaeng langkanami, sai dimatamatahon do mangompashon hami tu tano.

¹²Tudoshon babiat, na naeng manoro do ibana, jala sobokkon anak ni babiat na mangonggop di aropan. [166†]

¹³Hehe ma Ho, ale Jahowa, joloani ma, ompashon ibana! Sai palua ma hosangku sian parjahat i hinorhon ni podangmu.

¹⁴Palua ahu, ale Jahowa, marhitehite tanganmu sian angka jolma * parroha portibi on, angka na manjalo jambarna di hangoluan on, ** gok butuhanasida dibahen Ho dohot artam, + gabean do nasida di anak, jala tading di pinomparnasida do lobilobinasida i. [167†]

¹⁵Alai anggo ahu sai * idaonku do sogot bohim, marhitehite hatigoran, pamahaponku ma rohangku marnida rupam, ia dung + tarsunggul ahu muse. [168†]