Read Batak Toba PSALMEN 19 Bible Online

PSALMEN 19 - Batak Toba bible

PSALMEN 19

¹Ende sian si Daud. I.

²* Angka langit do mamaritahon hamuliaon ni Debata, jala jadijadian ni tanganna do pinaboa ni + na ratarata ni langit. [203†]

³Masipaboaan do angka ari, jala masilehonan parbinotoan do angka borngin.

⁴Ndada barita manang hatahata na so binege soarana i di bagasan. [204†]

⁵Tolhas tu liat portibi on tali pangungkurna, jala ro di topi ni tano on do baritana. Dibahen do disi soposopo ni mata ni ari. [205†]

⁶Jadi songon * bajo pangoli do ibana ruar sian bilutna; las do rohana songon ulubalang na manopot sitopotonna. [206†]

⁷Sian topi ni langit do habibinsarna, jala tolhas ro di angka topina muse pangkusorna i, jala ndang adong na buni maradophon mohopna i. [207†] II.

⁸Sun denggan do patik ni Jahowa, tau sipasabam roha; sintong do * panindangion ni Jahowa, dipabisuk do na tobok marroha. [208†]

⁹Tigor do patik ni Jahowa, angka sipalas roha; pita do patik ni Jahowa, dipatiur do parnidaan. [209†]

¹⁰Pita ni parsombaon tu Jahowa do na hot tongtong, hasintongan do angka uhum ni Jahowa, tigor do sudena. [210†]

¹¹Ummarga do angka i sian mas dohot sian sere palangki na godang situtu, tumonggi do angka i sian situak ni loba dohot tanggule. [211†]

¹²Naposom pe dapotan sipaingot do hinorhon ni, godang do upa ni na mangaradoti angka i. III.

¹³Tung ise ma umboto angka haliluon? Sai sesa ma dohot dosa, angka na so huboto. [212†]

¹⁴Palua ma huhut naposom sian angka haginjangon ni roha, asa unang ahu dirajai! * Disi pe asa lias jala bontor ahu sian pangalaosion na godang i. [213†]

¹⁵On pe, sai * lomo ma roham di angka hata ni pamanganki dohot di pangkataion ni rohangki tu jolo ni bohim, ale Jahowa, partanobatoanku dohot siluluhon ahu. [214†]