Read Batak Toba PSALMEN 2 Bible Online

PSALMEN 2 - Batak Toba bible

PSALMEN 2

¹I. [1] Boasa sai ogaoga angka parbegu, jala sai na so marniula dipingkiri roha ni angka bangso? [7†]

²Hehe martahi do angka * raja ni tano on rap dohot angka na begu, mangalo Jahowa dohot + Messiasna i. [8†]

³“Tarapui ma angka ihotnasida, jala taambolongkon ma angka talina i,” ninna. [9†]

⁴Alai * diengkelengkel Ibana na + marhabangsa di banua ginjang i do nasida, jala dielesi Tuhanta i do nasida. [10†]

⁵Songgahanna do nasida sogot di rimasna, jadi martimpalan ma nasida mida parpiarpiar ni murukna. [11†]

⁶Hape anggo Ahu, hupabangkit do Rajangku di * dolok Sion, dolok habadiaonku. [12†] II.

⁷Jamitahononku ma na gabe patik, didok Jahowa do mandok ahu: Anakku do Ho, sadarion do Ho hutubuhon. [13†]

⁸* Pangido ma sian Ahu, asa hulehon tu Ho angka + parbegu bahen jambarmu, jala gok di Ho angka ujung ni tano on. [14†]

⁹Ropuhanmu ma nasida dohot * batahi bosi jala songon + hudon do nasida taporanmu. [15†] III.

¹⁰On pe, hamu ale angka raja, sai olo ma hamu parrohaon, jala hamu ale angka panguhum ni tano on, sai olo ma hamu paingoton.

¹¹Oloi hamu ma Jahowa dohot biar ni roha, jala marolopolop ma hamu, huhut angka hitir. [16†]

¹²* Umma hamu ma Anak i, asa unang ro rimasna, jadi ** mago hamu maon ditongan dalan, ai tibu do marpiarpiar + rimasna, alai ++ martua ma sude angka na marhaposan tu Ibana. [17†]