Read Batak Toba PSALMEN 20 Bible Online

PSALMEN 20 - Batak Toba bible

PSALMEN 20

¹Ende sian si Daud.

²Sai * dialusi Jahowa ma ho di ari hagogotan, sai dipatimbul + goar ni Debata ni si Jakkob ma ho! [215†]

³Ditongoshon ma tu ho panumpahion sian bagas habadiaon, jala ditungkol ho sian Sion!

⁴Sai marningot ma Ibana di sude angka peleanmu sipanganon, sai talmis ma di rohana angka peleanmu situtungon! Sela.

⁵Sai dilehon ma tu ho sisubut roham, jala dipasaut nasa sangkapmi. [216†]

⁶Asa mariaia hita mida hatuaonmi, jala mamiorhon * tonggol, mangasahon goar ni Debatanta i. Sai dipasaut Jahowa ma nasa pangidoanmu. [217†]

⁷Nuaeng pe huboto tangkas, na tinumpahan ni Jahowa miniahanna i, sai alusanna do ibana sian angka langit habadiaonna i marhitehite angka pangabahan ni hatuaon ni siamunna. [218†]

⁸Mangasahon hureta dohot hoda do ianggo nasida, alai anggo hita goar ni Jahowa, Debatanta i do itaingot. [219†]

⁹Martungkapan jala martinggangan ianggo nasida, alai anggo hita tong do marsihohot jongjong.

¹⁰Sai tumpahi ma rajai, ale Jahowa, sai alusi ma hami di ari pangalualuannami!