Read Batak Toba PSALMEN 21 Bible Online

PSALMEN 21 - Batak Toba bible

PSALMEN 21

¹Ende sian si Daud. I.

²Ale Jahowa, marlas ni roha do rajai mida gogom, jala marolopolop situtu do ibana mida panumpahim. [220†]

³Dilehon Ho do tu ibana pinangido ni rohana, jala ndang dijua Ho pinangido ni hatana. Sela. [221†]

⁴Ai ditomutomuhon Ho do tu ibana angka pasupasu ni hadoharon, ditalitalihon Ho do tu uluna tumpal sere palangki. [222†]

⁵Hangoluan do dipangido sian Ho, dilehon Ho do tu ibana, diudut Ho do ariarina ro di salelenglelengna. [223†]

⁶Timbul do hamuliaonna dibahen panumpahim; hatongamon dohot hatimbulon diampehon Ho tu ibana.

⁷Ai * parhitean ni angka pasupasu do ibana dibahen Ho salelenglelengna, dipasabam Ho do rohana marhitehite + las ni roha mida bohim. [224†]

⁸Ai marhaposan tu Jahowa do rajai, jala ndang humordit ibana dibahen asi ni roha ni Natumimbul i. II.

⁹Sai jumpang tanganmu do sogot sude angka musum, jumpang siamunmu do sogot sude angka na mangkosom Ho. [225†]

¹⁰Doshon pamurunan do nasida bahenonmu di tingki pangaluluhonmu, sai polgahan ni Jahowa do nasida di bagasan rimasna, jala api manganhon nasida. [226†]

¹¹Siaphononmu do sogot tubunasida sian tano on ro di pinomparnasida sian jolma manisia. [227†]

¹²Ai tahi mangago do rohanasida dompak ho, sai disangkapi do angkal, hape matua so tuk. [228†]

¹³Ai lumindak do nasida bahenonmu, tujuonmu do bohinasida i marhitehite tali ni siormu. [229†]

¹⁴Hehe ma Ho, ale Jahowa, mangasahon antuMu! Asa hupuji jala huendehon hami hagogoonmi.