Read Batak Toba PSALMEN 22 Bible Online

PSALMEN 22 - Batak Toba bible

PSALMEN 22

¹Ende sian si Daud. I.

²Ale Debatangku, Debatangku! Boasa tung tadingkononmu ahu? Sai mandaodao do angka hata ni anggukkon sian hatuaonku. [230†]

³Ale Debatangku, sai joujou do ahu arian, alai ndang mangalusi Ho, jala borngin pe ndang jumpang ahu hasonangan. [231†]

⁴Alai nabadia do anggo Ho, marhabangsahon angka pujipujian ni Israel. [232†]

⁵Marhaposan tu Ho do angka ompunami, pos do rohanasida, jadi dipalua Ho do nasida. [233†]

⁶Tu Ho do nasida * mangangguhi, jadi malua ma nasida, marhaposan tu Ho do nasida, jadi + ndang tarurak. [234†]

⁷Alai * gea nama ianggo ahu, ndada jolma, + haeleson ni halak jala parbilean ni natorop. [235†]

⁸Sude angka na marnida ahu marengkelengkelihon ahu, dipangangang do babana huhut mangupirupir. [236†]

⁹“Tu Jahowa ma nian dipasahat, asa dipalua ibana, dipangolu ma nian ibana, ai * lomo do rohana mida ibana.” [237†]

¹⁰Ho do tongon na manait ahu sian ampuan, sipapos rohangku, mangonsop bagot ni dainang. [238†]

¹¹Dung tubu ahu, sai Ho do parsigantunganku, sian butuha ni dainang dope sai Ho do Debatangku.

¹²Unang mandaodao Ho sian ahu, ai donok nama parmaraan, ai soadong sipartumpak.

¹³Sai dihaliangi angka horbo panguge do ahu, jala torop do angka jonggi Basan mangalele ahu. [239†]

¹⁴Angka dipangangang be do babana dompak ahu songon babiat panoro, jala na patungoromon.

¹⁵* Durus do ahu songon aek, pasitik be do sude holiholingku ditangging, songon pantis na malala do ateatengku di bagasan dagingku. [240†]

¹⁶Merus do gogongku songon ngarngar, jala lohot do dilangku di langitlangit ni pamanganku, jala tu orbuk ni hamatean dipapodom * Ho ahu. [241†]

¹⁷Ai dihaliangi angka biang do ahu, luhutan ni angka parjahat do mangonsongi ahu, * diturai do tanganku dohot tothu. [242†]

¹⁸Habilangan ahu do sude holiholingku, martilla be do ianggo nasida mida ahu.

¹⁹* Dibagi nasida do angka uloshu, mandabu tondung do nasida taringot tu bajubajungku. [243†]

²⁰Alai sai unang mandaodao ianggo Ho, ale Jahowa, parsigantunganku, hapogani ma mangurupi ahu. [244†]

²¹Sai palua ma hosangku sian * podang, sian sisilon ni biang + hosangku na tarpunjung. [245†]

²²Sai palua ma ahu sian baba ni babiat, jala alusi ahu maradophon tanduk ni angka horbo jalang. II.

²³Sai * jamitahononku ma goarmu tu angka + hahanggingku, jala pujionku ma Ho di tongatonga ni huria, na marluhut i. [246†]

²⁴Puji ma Jahowa, hamu ale angka na mangkabiari Ibana, sude pinompar ni si Jakkob pasangaphon Ibana, jala sude pinompar ni Israel mangkormat Ibana! [247†]

²⁵Ai ndang lea rohana manang marbiasbias mida pardangolan ni na dangol, jala ndang ditabunihon bohina maradophon ibana, jala ditangihon do anggukna i tu Ibana. [248†]

²⁶Asa Ho do haroroan ni pujipujianku di tongatonga ni huria na ria i, * gararonku ma angka bagabagangku di jolo ni angka na mangkabiari Ibana. [249†]

²⁷Sai * mangan do sogot angka na dangol i jala butongan, ingkon mamujimuji Jahowa do angka na + usouso di Ibana, sai huminsa do rohamuna salelenglelengna. [250†]

²⁸Ingoton ni isi ni liat portibi on ma i, gabe mulak ma nasida tu Jahowa, jala marsomba tu jolom do sogot sude angka marga ni parbegu. [251†]

²⁹Ai Jahowa do nampuna harajaon, jala panggomgom di angka parbegu. [252†]

³⁰Mangan jala marsomba do sogot sude angka na gok na hum di tano on, marsinggang tu jolona do sogot sude angka na marsingkor ro di na mate gasing. [253†]

³¹Sai adong do pinompar ni manisia, na mangoloi Ibana, angka na manaringoti Tuhan i tu pinompar na sogot. [254†]

³²Ro do angka nasida sogot, manjamitahon hatigoranna tu * halak na tubu muse, paboa + Ibana do pasunhon. [255†]