Read Batak Toba PSALMEN 24 Bible Online

PSALMEN 24 - Batak Toba bible

PSALMEN 24

¹Ende sian si Daud. I. [1] Gok di Jahowa do tano on ro di isina, portibi on dohot pangisina. [262†]

²Ai Ibana do paojakkonsa di atas ni angka laut, jala dipahot di atas ni angka batang aek. [263†]

³Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonna i? [264†]

⁴Halak partangan na lidang dohot na ias roha, parroha na so paihuthon na so hasea, jala na so olo margana laho mangansi. [265†]

⁵I ma halak na maruli pasupasu sian Jahowa, dohot hatigoran sian Debata ni hatuaonna i. [266†]

⁶I ma sundut ni angka na usouso di Ibana, angka na mangalului bohim, Jakkob. Sela. [267†] II.

⁷Patuginjang ma tohangmuna, hamu ale angka harbangan, patuginjang ma hamu, ale angka pintu sian na robi, asa bongot Raja ni hamuliaon! [268†]

⁸Ise ulaning Raja ni hamuliaon i? I ma Jahowa, na gogo jala Ulubalang, Jahowa Ulubalang di hamusuon. [269†]

⁹Patuginjang ma tohangmuna, hamu ale angka harbangan, jala patuginjang ma hamu, ale angka pintu sian na robi, asa bongot Raja ni hamuliaon i!

¹⁰Ise ulaning Ibana, Raja ni hamuliaon i? I ma Jahowa Zebaot, Ibana do Raja ni hamuliaon i. Sela.