Read Batak Toba PSALMEN 25 Bible Online

PSALMEN 25 - Batak Toba bible

PSALMEN 25

¹Ende sian si Daud. [1] Ho do, ale Jahowa, dihalungunhon rohangku. [270†]

²Ale Debatangku, marhaposan tu Ho do ahu, unang tung paila ahu, asa unang marsuraksurak angka musungku mida ahu. [271†]

³* Ndang tahe tagamon tarurak sude angka na mangkaposi Ho, sai maila do sogot angka pangose soada alana. [272†]

⁴Ale Jahowa, sai pabotohon ma tu ahu angka dalanmu, jala ajarhon tu ahu angka bogasmu. [273†]

⁵Sai togutogu ma ahu tubagasan hasintonganmu, jala ajari ahu, ai Ho do Debata ni hatuaonku, Ho do na huhaposi ganup ari. [274†]

⁶Sai ingot ma, ale Jahowa, angka denggan ni basam dohot asi ni roham, ai sian na robi do angka i.

⁷Sai unang paingotingot angka dosa ni haposoonku dohot pangalaosingku, sai ingot ma ahu, ale Jahowa, hombar tu asi ni roham, ala ni denggan ni basam. [275†]

⁸Pardengganbasa jala na * bonar do Jahowa, ala ni + dipodahon do dalan na tigor i tu angka pardosa. [276†]

⁹Diparnonohon do uhum tu angka na dangol jala diajarhon dalanna tu angka na tarjepol. [277†]

¹⁰Asi ni roha dohot hasintongan do sude dalan ni Jahowa di angka na mangaradoti padanna dohot angka panindangionna. [278†]

¹¹Ala ni goarmu, ale Jahowa, sai marpamuati ma roham di dosangku, ai tung na balga do i. [279†]

¹²Ise ulaning baoa na mangkabiari Jahowa? Sai na * ajarhononna do tu ibana dalan sipillitonna. [280†]

¹³Sorang di hasonangan do tondina i, jala pinomparna i * tumean tano on sogot. [281†]

¹⁴Hasudungan ni Jahowa do angka na mangkabiari Ibana, jala dipabotohon tu nasida padanna. [282†]

¹⁵Sai tong do * mangaranap matangku tu Jahowa, ai Ibana do + mangenet tothu sian jorgong. [283†]

¹⁶Sai dompakkon ma ahu, jala asi roham di ahu, ai * punjung jala na dangol do ahu. [284†]

¹⁷Lam ganda do hagogotan ni rohangku, sai palua ma ahu sian angka hasosahanku.

¹⁸Sai tatap ma dangolhon dohot ngaluthon, jala marpamuati ma roham di angka dosangku sudena. [285†]

¹⁹Ida ma angka musungku, ai lan do nasida, jala hosomhosom pangarupaon dibahen nasida mangkosom ahu. [286†]

²⁰Sai ramoti ma tondingki jala palua ahu, unang tung paurak ahu, ai marhaposan tu Ho do ahu. [287†]

²¹Halidangon dohot hatigoran ma mangaramoti ahu, ai marhaporusan tu Ho do ahu. [288†]

²²Ale Debata, sai palua ma Israel sian angka hagogotanna sudena. [289†]