Read Batak Toba PSALMEN 26 Bible Online

PSALMEN 26 - Batak Toba bible

PSALMEN 26

¹Ende sian si Daud. [1] * Luluhon ahu, ale Jahowa, ai marpangalaho di bagasan hadaulatonku do ahu, jala tu Jahowa do ahu marhaposan, ndang meoleol ahu. [290†]

²Uji ma ahu, ale Jahowa, jala sulingkit rohangkon, sai lala ma angka piangki dohot rohangki. [291†]

³Ai sai solpa do di matangku denggan basam, jala * marparange ahu di bagasan hasintonganmi. [292†]

⁴Ndang dung sahundulan ahu dohot halak sineang roha, jala ndang huparangkupi angka parsibuni. [293†]

⁵Huhagigihon do luhutan ni angka panggetegete, jala ndang sahundulan ahu dohot angka parjahat.

⁶Sai * hupaburiburi do tanganku di bagasan halidangon, jala sai naeng halianganku + langgatanmi, ale Jahowa! [294†]

⁷Laho patubegehon soara pujipujian dohot pajojorhon sude halongangan, angka na binahenmi.

⁸Ale Jahowa, huhaholongi do hajongjongan ni bagasmu dohot hasonggopan ni hamuliaonmu. [295†]

⁹Sai unang sarat tondingku rap dohot angka pardosa, manang ngolungku tu angka * jolma sisopsop mudar. [296†]

¹⁰Angka na paulaula hajahaton, jala * gok sisip siamunnasida i. [297†]

¹¹Alai anggo ahu sai marpangalaho di bagasan halidangonhon, palua ahu jala asi ma roham di ahu!

¹²Jongjong di dalan na tigor do tothu, pujionku ma Jahowa * di bagasan angka luhutan. [298†]