Read Batak Toba PSALMEN 27 Bible Online

PSALMEN 27 - Batak Toba bible

PSALMEN 27

¹Ende sian si Daud. I. [1] Jahowa do * panondangingku dohot hatuaonku, tung ise ma habiaranku? Jahowa do + partanobatoan ni ngolungku, tung mida ise ma ahu biahaton? [299†]

²Molo tung ro angka parjahat mangarongrong ahu naeng manganhon sibukku, angka sisosak ahu dohot angka musungku, gabe martinggangan do nasida, jala marragean. [300†]

³Nang pe * marhoronhoron parangan angka na manungkum ahu, ndang dihabiari rohangku, nang pe hehe parmusuon dompak ahu, + sai pos do rohangku disi. [301†] II.

⁴Sada do naung hupangidohon sian Jahowa, sai i do hulului! Naeng mian ahu di bagasan joro ni Jahowa saleleng mangolu ahu, paidaida hinadenggan ni Jahowa dohot mamingkiri ganup sogot di bagasan jorona i. [302†]

⁵Ai * diondingi do ahu di bagasan undungundungna di ari hinamago, ditabunihon do ahu di partabunian ni undungundungna, tu + dolok partanobatoan do ahu dipanangkok. [303†]

⁶Asa mandirgak ulungku mida musungku, angka na humaliang ahu; jadi pelehononku ma di bagasan undungundungna i angka pelean pujipujian, marende ma ahu huhut mamalu parhinaloan mamuji Jahowa. [304†] III.

⁷Sai tangihon ma soarangku, ale Jahowa, molo joujou ahu, asi ma roham mida ahu, jala alusi ahu.

⁸Ninna rohangku do mandok Ho: lulu i hamu ma bohingku! Antong bohim ma na hulului, ale Jahowa. [305†]

⁹Unang tung tabunihon bohim maradophon ahu, unang tung tulak naposom di bagasan rimasmu, matua Ho do pangurupingku, unang tung ambolongkon ahu, jala unang tadingkon ahu, ale Debata ni hatuaonku!

¹⁰Ai nunga ditadingkon damang dohot dainang ahu, alai dijangkon Jahowa do ahu. [306†]

¹¹Sai podahon ma tu ahu dalanmu, ale Jahowa, jala togu ahu di dalan hatigoran, ala ni angka alongku. [307†]

¹²Unang tung pasahat ahu * guru roharoha ni angka musungku, ai hehe do dompak ahu angka sitindangi pargabus, jala + dibuashon hajahaton. [308†]

¹³Aut unang huhaporseai paidaidaonku sogot * hinadenggan ni Jahowa di + tano hangoluan on! [309†]

¹⁴Parhanalom ma Jahowa, pagomos jala patogu roham jala parhanalom Jahowa! [310†]