Read Batak Toba PSALMEN 28 Bible Online

PSALMEN 28 - Batak Toba bible

PSALMEN 28

¹Ende sian si Daud. I. [1] Tu Ho do ahu joujou, ale Jahowa, partanobatoanku, unang sai sip Ho, manundali ahu, asa unang ahu molo tung laos sip Ho manundali ahu, doshon halak angka na manuruk tanoman. [311†]

²Sai tangihon ma soara ni sombasombangku, molo mangangguhi ahu tu Ho, molo hupaherbang tanganku tu bilut ni habadiaonmu. [312†]

³Unang tung * sarat ahu rap dohot angka parjahat dohot angka siulahon hajahaton, angka + parhata lesem tu donganna, hape hajahaton do di bagasan rohanasida. [313†]

⁴Sai baloshon ma tu nasida hombar tu pambahenannasida dohot tu hinajahat ni pangalahonasida; hombar tu parulaon ni tangannasida baloshon tu nasida, tubolhon tu nasida pambahenannasida i. [314†]

⁵Ai ndang pardulina mangantusi angka jadijadian ni Jahowa manang parulaon ni tanganna; lohaonna ma nasida sogot jala ndang be paulionna nasida. [315†] II.

⁶Pinuji ma Jahowa, ai nunga ditangihon soara ni sombasombangki. [316†]

⁷* Jahowa do pargogongku dohot lombulombungku, marhaposan tu Ibana do rohangku, jadi dapotan pangurupion ahu; asa + marolopolop ma rohangku jala pujion ni endengku ma Ibana. [317†]

⁸Jahowa do pargogonasida jala * partanobatoan ni angka hatuaon ni Messiasna i do Ibana. [318†]

⁹Sai tumpahi ma * bangsomi jala pasupasu bangso na niainmi, sai parmahan i jala + usungi ma nasida ro di salelenglelengna. [319†]