Read Batak Toba PSALMEN 29 Bible Online

PSALMEN 29 - Batak Toba bible

PSALMEN 29

¹Ende sian si Daud. [1] * Lehon ma tu Jahowa, hamu ale angka + anak ni Debata, lehon ma tu Jahowa hamuliaon dohot hagogoon. [320†]

²Lehon ma tu Jahowa hamuliaon ni goarna, marsomba ma hamu tu Jahowa mamangke * pangkean parhadohoan. [321†]

³* Soara ni Jahowa do di atas ni + angka aek, Debata ni hamuliaon parohon ronggur, Jahowa do di atas aek angka na bolon. [322†]

⁴Soara ni Jahowa do mardongan hagogoon, soara ni Jahowa mardongan hatongamon. [323†]

⁵Soara ni Jahowa do umpunokkon angka hau ares jala dipunokkon Jahowa do angka hau ares ni Libanon. [324†]

⁶Huhut * panihalnihalon nasida dibahen, songon anak ni lombu, nang Libanon nang + Sirion songon anak ni horbo jalang. [325†]

⁷Soara ni Jahowa do manggurasahon jilam ni api. [326†]

⁸Soara ni Jahowa do mambahen humuntal halongonan, dihuntal Jahowa do * halongonan Kades. [327†]

⁹Soara ni Jahowa do mambahen marasar angka tini, jala dipalanga do angka tombak, jala sude na di bagasan jorona i mandok: Hamuliaon! [328†]

¹⁰Marhabangsa do Jahowa mangkorhon aek na sumar, jala marhabangsa do Jahowa, paboa raja ro di salelenglelengna. [329†]

¹¹* Lehonon ni Jahowa do sogot pargogo tu bangsona i, + tumpahan ni Jahowa do sogot bangsona mardamedame. [330†]