Read Batak Toba PSALMEN 31 Bible Online

PSALMEN 31 - Batak Toba bible

PSALMEN 31

¹Ende sian si Daud. I.

²Tu Ho do, ale Jahowa, ahu marhaposan, unang tung paurak ahu salelenglelengna, sai palua ma ahu marhitehite hatigoranmu! [341†]

³Sai paeleng ma pinggolmu tu ahu, hapogani paluahon ahu; sai Ho ma gabe dolok batu partanobatoan di ahu, gabe huta na gonting laho pangoluhon ahu. [342†]

⁴Ai Ho do partanobatoanku hian dohot pangondianku, jala ala ni goarmu sai iringiringonmu jala toguonmu ahu. [343†]

⁵Sai tanggalanmu do ahu sian jorgong, na buni tinaonnasida i mambuat ahu, ai Ho do partanobatoanku. [344†]

⁶Tubagasan tanganmu do hupasahat * tondingku, nunga ditobus Ho ahu, ale Jahowa, + Debata ni hasintongan i. [345†]

⁷Sai huhagigihon do angka na marsomba * ganaganaan na so marniula, alai anggo ahu, Jahowa do na huhaposi. [346†]

⁸Sai marolopolop jala marlas ni roha ma ahu bahen mida asi ni roham, na tinatapmu dangolhon, na marbinoto i Ho di angka hagogotan ni tondingki. [347†]

⁹Jala ndang * dipadapot Ho ahu tu tangan ni musu, + dipajongjong Ho do pathu di halambason. [348†]

¹⁰Asi ma roham di ahu, ale Jahowa, ai hagogotan do ahu, * pola do lotop matangku binahen ni haarsahon, maras do rohangku dohot dagingku. [349†]

¹¹Ai nunga suda ngolungku dibahen hamarason, suda dohot angka taonhu dibahen angguhangguk, * merus do gogongku dibahen dosangki, jala ndang mangalo be holiholingku. [350†]

¹²Jadi gabe parbilean do ahu maradophon sude angka alongku dohot hombarhu hundul, jala tarsonggot situtu do angka donganku magodang; marsidingsiding be do angka na marnida ahu di balian. [351†]

¹³Nunga tung * lupa ahu sian roha, songon halak na mate, + sobokkon ngarngar na ambolongan nama ahu. [352†]

¹⁴Ai sai hupabegebege do husiphusip ni torop halak, habiaran humaliang; sai marluhut i do nasida martuptup i ahu, mambuat hosangku do dipingkiri nasida. [353†]

¹⁵Alai anggo ahu, tu Ho do ahu marhaposan, ale Jahowa, ningku do: * Ho do Debatangku. [354†]

¹⁶Marguru tu tanganmu do angka parsoriongki, sai palua ma ahu sian tangan ni angka musungku dohot sian angka na mangalotongi ahu. [355†]

¹⁷Sai * pasondangkon ma bohim tu naposom, jala tumpahi ahu marhitehite asi ni roham. [356†]

¹⁸Ale Jahowa, sai unang paurak ahu, ai Ho do na hujou; sai tarurak ma nian sogot angka parjahat jala hohomhohom di bagasan banua toru.

¹⁹Ingkon mangungu ma nian angka bibir pargabus, angka na jungkat marpangkuling tu partigor mangasahon hajungkaton dohot haelakon. II.

²⁰Tung na godang situtu do denggan basam, na pineopmu di angka na mangkabiari Ho, na binahenmi tu angka na mangkaposi Ho di adopan ni manisia. [357†]

²¹Diondingi Ho do nasida marhitehite pangondingan ni bohim maradophon pandoboon ni jolma, ditabunihon Ho do nasida di bagasan undungundung maradophon pamodaion ni angka bibir. [358†]

²²Pinuji ma Jahowa, ai tung na * sumurung do asi ni rohana di ahu di bagasan + huta na gonting. [359†]

²³Ianggo ahu nunga pola * hudok ni hatahutonku: nunga sirang ahu sian adopan ni matam! -- Hape ditangihon Ho do soara di angguk i uju + mangangguhi ahu tu Ho. [360†]

²⁴Sai * haholongi ma Jahowa, sude hamu angka na niasianna, dijaga Jahowa do angka na porsea, alai mardapotdapot do + dibaloshon tu angka sibahen hajungkaton. [361†]

²⁵Sai marsihohot ma rohamuna jala togu, sude hamu angka na mangkalungunhon Jahowa! [362†]