Read Batak Toba PSALMEN 32 Bible Online

PSALMEN 32 - Batak Toba bible

PSALMEN 32

¹Ende sipodaon sian si Daud. I. [1] Martua ma manang ise naung sinesaan pangalaosina, naung hinungkupan dosana. [363†]

²Martua ma jolma, ia so * dijujur Jahowa tu ibana hajahaton, jala ndang + marpangalensem tondina di bagasan. [364†]

³Ai saleleng huhasiphon dosangku reung do holiholingku, dibahen anggukku ganup ari. [365†]

⁴Ai sai * didondoni tanganmu do ahu arian dohot borngin, jadi marsik do mudarhu songon di hamamasa ni logo ni ari. Sela. [366†]

⁵Jadi hupabotohon ma tu Ho dosangku jala ndang huhungkupi salangku; ningku do: * Topotanku ma angka pangalaosingku tu Jahowa, jadi marpamuati do roham di utang ni dosangki. [367†]

⁶Ala ni martangiang ma tu Ho sude na lidang marroha di * tingki parsaulian; tongon do, nang pe ro tahop angka aek magodang, + ndang tagamon sampe ianggo tu ibana. [368†]

⁷Ho do pangondianku, sai jagaonmu do ahu sian parmaraon, sai * haliangkononmu do tu ahu olopolop ni haluaon. Sela. [369†] II.

⁸Huparrohai jala hupodai pe ho taringot tu dalan sidalananmu, huiringiring pe ho dohot pamereng ni matangku. [370†]

⁹Unang tung songon hoda hamu, manang songon halode na so marroha, ndang olo dumonok tu ho, nda pinatunduk ni kongkang. [371†]

¹⁰Tung na lan do parniahapan ni parjahat, alai manang ise na marhaposan tu Jahowa, haliangkononna tusi asi ni roha. [372†]

¹¹Marlas ni roha ma hamu mida Jahowa, jala marolopolop ma hamu, ale angka partigor, jala marende ma sude hamu angka parsihohot marroha. [373†]