Read Batak Toba PSALMEN 33 Bible Online

PSALMEN 33 - Batak Toba bible

PSALMEN 33

¹I. [1] Marolopolop ma hamu, ale angka partigor, mangasahon Jahowa, talup do marende angka na unjur marroha. [374†]

²Puji hamu ma Jahowa mardongan hasapi, marende ma hamu umpuji Ibana, mardongan hasapi na martali sampulu. [375†]

³Endehon hamu ma * ende na imbaru tu Ibana, padenggan hamu ma soara ni sarune. [376†]

⁴Ai na sintong do hata ni Jahowa, jala marhaburjuon do sude pambahenanna. [377†]

⁵Ibana mangkaholongi hatigoran dohot uhum, * gok asi ni roha ni Jahowa do tano on. [378†]

⁶Marhitehite hata ni Jahowa do manjadi angka langit, jala marhitehite hosa ni pamanganna sude angka paranganna. [379†]

⁷Ibana papunguhon * aek ni laut i, songon timbunan, angka parartaanna do angka lung i dibahen. [380†]

⁸Sai marhabiaran maradophon Jahowa ma sude tano on, jala marsomba tu Ibana ma sude pangisi ni portibi on. [381†]

⁹Ai mangkuling Ibana, gabe manjadi do, mandokkon do Ibana, jadi jongjong ma. [382†]

¹⁰Jahowa do * pahusorhon tahi ni angka parbegu, ditulaktulak do pingkiran ni angka bangso. [383†]

¹¹Ianggo sangkap ni Jahowa sai na hot do salelenglelengna, pingkiran ni rohana pe marsundutsundut do. [384†] II.

¹²Martua ma bangso na mardebatahon Jahowa, bangso na pinillitna laho ainonna. [385†]

¹³Manatapnatap do Jahowa sian banua ginjang marnida jolma manisia sudena. [386†]

¹⁴Manatapnatap do Ibana sian ojahan ni habangsana dompak sude pangisi ni tano on.

¹⁵Ibana do * manjadihon rohanasida sudena, + diantoi do sude pambahenannasida i. [387†]

¹⁶Ndada hinadeak ni parangan pamonangkon raja, ndada hinatimbul ni gogo paluahon na begu. [388†]

¹⁷Pangalensem do nang hoda panumpahi, jala ndang hinatimbul ni gogona paluahon ibana. [389†]

¹⁸Ida ma, sai nolnol do mata ni Jahowa tu angka na mangkabiari Ibana, angka na mangkalungunhon asi ni rohana. [390†]

¹⁹Asa dipalua tondinasida sian hamatean, jala dipangolu nasida di haleon. [391†]

²⁰Sai dihalungunhon rohanami do Jahowa, * Ibana do panumpahi dohot lombulombunami. [392†]

²¹Ai mangasahon Ibana marlas ni roha do hami, marhaposan tu goarna na badia i do hami. [393†]

²²Sai pasonggop ma asi ni roham tu hami, ale Jahowa, hombar tu pangkalungunhonnami di Ho.