Read Batak Toba PSALMEN 37 Bible Online

PSALMEN 37 - Batak Toba bible

PSALMEN 37

¹Ende sian si Daud. [1] Sai unang ma mohop ateatem mida angka parjahat i, jala unang mangiburu Ho mida angka siulahon hajungkingon. [446†]

²Ai doras do nasida sabion songon duhutduhut, jala marmalosan nasida songon tumbur ni duhutduhut. [447†]

³Sai marhaposan tu Jahowa ma ho jala ulahon na denggan; inganhon ma tano i jala radoti haburjuon. [448†]

⁴Jala halomohon Jahowa, jadi lehononna ma tu ho pinangido ni roham. [449†]

⁵Pasahat ma dalanmu tu Jahowa jala haposi Ibana, asa Ibana paturehon. [450†]

⁶Jadi paulloponna ma hatigoranmu, songon hatiuron dohot hapintoronmi songon tingkos ni ari. [451†]

⁷* Pasombu ma Jahowa, jala Ibana paimaima; sai + unang mohop roham mida jolma na mardohar dalanna, mida baoa siulahon getegete. [452†]

⁸Otapi rimas jala tadingkon mohopmohop; unang sai hamohophon tu roham, ai laho tu najat do i. [453†]

⁹Ai sai na siap do sogot angka parjahat i, alai sai na * teanon ni angka na mangkaposi Jahowa do tano i sogot. [454†]

¹⁰Tongkinnari ndang disi be parjahat i, jala ia ditingkir ho ingananna, ndang be jumpang. [455†]

¹¹Alai sai na teanon ni angka parlambohi do sogot tano i, jala hahilashononna hinadeak ni hadameon. [456†]

¹²Sai ditahii parjahat i do partigor i jala * dipaturonsiti iponna dompak ibana. [457†]

¹³Alai * diengkelengkel Tuhan i do ibana, ai diida do + haroro ni arina. [458†]

¹⁴Diumpat angka parjahat i do podang jala disintak siornasida i pagadaphon na dangol dohot na pogos * mamotongi angka na burju marpangalaho. [459†]

¹⁵Hape ateatenasida sandiri do * ditopot podangnasida i, jala angka + ponggol do siornasida i. [460†]

¹⁶Tagonan do na otik pineop ni partigor sian hamoraon jong ni torop angka parjahat. [461†]

¹⁷Ai angka ripuk do sogot botohon ni angka parjahat i, alai ditungkol Jahowa do angka partigor i. [462†]

¹⁸Diboto Jahowa do angka ari ni parlidang i, jala saleleng ni lelengna do teanteanonnasida.

¹⁹Ndang tagamon murak nasida di tingki hagogotan, jala sai butong do nasida di hamamasa ni haleon. [463†]

²⁰Ai sai na siap do sogot angka parjahat i, jala sobokkon hajagaron ni ladang do angka musu ni Jahowa, sai * na gabe timus do nasida muse. [464†]

²¹Marsali do parjahat i, hape ndang digarar; alai marasi roha jala mardenggan basa ianggo partigor i. [465†]

²²Ai angka na tinumpakna i do * tumean tano i sogot, jala sai na siap do sogot angka + na tinoruanna i. [466†]

²³Jahowa do pahothon langkalangka ni baoa, jala dihalomohon do dalanna i. [467†]

²⁴Tinggang pe ibana, ndada laos sarat, ai ditungkol Jahowa do tanganna. [468†]

²⁵Dakdanak ahu jolo, nunga pola matua ahu, ndang dung dope huida tartading partigor manang mangidoido sipanganon pinomparna i. [469†]

²⁶Sai mardenggan basa do ibana jala pasalihonsa ganup ari, jadi parhitean ni pasupasu do pinomparna i. [470†]

²⁷Sumurut ma ho sian najat i, jala ulahon na denggan, asa maringanan ho salelenglelengna. [471†]

²⁸Ai holong do roha ni Jahowa mida uhum jala ndang tagamon tadingkononna angka na niasianna; sai ramotanna do nasida salelenglelengna, alai anggo pinompar ni angka parjahat i siap do sogot. [472†]

²⁹Teanon ni angka partigor i do sogot tano i, jala tongtong do nasida maringanan disi. [473†]

³⁰Mamodahon habisuhon do pamangan ni partigor i, jala mangkatahon uhum do dilanai. [474†]

³¹Dipeop rohana do patik ni Debatana, ndang tagamon humordit angka langkana i. [475†]

³²Sai mangonggop do parjahat dompak partigor i, naeng bunuonna ibana ditahi rohana. [476†]

³³Alai ndang tagamon lehonon ni Jahowa ibana tu tanganna, manang tung toruanna ibana, di na hona uhum ibana. [477†]

³⁴Haposi ma Jahowa jala paihutihut dalanna i, jadi patimbulonna ma ho tumean tano i, idaidaonmu ma hasisiap ni angka parjahat. [478†]

³⁵Huida ma sada parjahat na sumalin jala manurumbun ibana songon hau na rugun di hatubuanna. [479†]

³⁶Jadi mamolus iba, hape ndang disi be; pola do hulului ibana, hape ndang jumpang. [480†]

³⁷Sai matahon na lidang i jala bereng na tigor i, ai sai hadameon do ujung ni halak sisongon i. [481†]

³⁸Alai sai siap do sogot angka pangalaosi sudena, pinompar ni angka parjahat pe siap do. [482†]

³⁹Sian Jahowa do ianggo hatuaon ni angka partigor, Ibana do partanobatoannasida di tingki hagogotan. [483†]

⁴⁰Ditumpak jala * dipalua Jahowa do nasida dipalua do nasida sian angka parjahat i, jala ditumpahi nasida, ai marhaposan tu ibana do nasida. [484†]