Read Batak Toba PSALMEN 38 Bible Online

PSALMEN 38 - Batak Toba bible

PSALMEN 38

¹Ende sipaingot sian si Daud.

²Ale Jahowa, unang ahu pinsang di bagasan rimasmu, jala unang ajari ahu di parpiarpiar ni murukmu. [485†]

³Ai nunga * pantik tu ahu angka sumbiam, jala + didondoni tanganmu ahu. [486†]

⁴Ndang adong be na hisar di dagingku binahen ni rimasmu, ndang be marhasonangan holiholingku dibahen dosangku. [487†]

⁵Ai disalpui angka dosangki do ulungku, madokdokhu do angka huhilala, songon siboanon na dokdok situtu. [488†]

⁶Nunga pola bau jala malala angka barongki dibahen otongku. [489†]

⁷Puhung jala tungki situtu do ahu, sai martujungtujung do ahu mardalan manipat ari.

⁸Ai gok gara do huhilala angka haehaengku, jala ndang adong be na hisar di dagingku.

⁹Jogal jala lampot situtu do dagingku huhilala, sai mangangguk badar do ahu dibahen ponjot ni rohangku.

¹⁰Iale Tuhan, peak di jolom do sude na pinangido ni rohangku, jala ndang buni sian Ho parhoingki.

¹¹Sai mulbahulbak do pusupusungku, ndang margogo be ahu, jala hatiuron ni matangku pe ndang disi be. [490†]

¹²Sai * mandaodao do jongjong angka na marhamaolhon ahu, angka donganku pe ro di angka na solhot tu ahu marnida parniahapanku. [491†]

¹³Jala bostang do ditaon angka na tumahi hosangku, jala sai patahitahi parhilangon do angka na mangalului hamagoanku, jala pangansion do dipahatahata ganup ari. [492†]

¹⁴Alai songon halak na nengel do ianggo ahu, ndang hupatangitangi, jala songon halak na ngungu, na so pabuha pamanganna. [493†]

¹⁵Jala songon halak na so marbinege do ahu, jala na so marpaminsang pamanganna. [494†]

¹⁶Ai marhaposan tu Ho do ahu, ale Jahowa, sai Ho ma mangalusi, ale Tuhan Debatangku. [495†]

¹⁷Ai ninna rohangku do: Sai unang ma marlas ni roha nasida mida ahu, nasida angka na mangunteas dompak ahu di na tarsulandit i pathu. [496†]

¹⁸Ai naengnaeng tinggang do ahu, jala sai tong sonson di jolongku parniahapanki.

¹⁹Ai hutopoti do dosangku, jala holsoan ahu ala ni dosangku. [497†]

²⁰Alai anggo angka musungku haroro ni gogona do, jala torop do nasida angka na mangkosom ahu, soada alana.

²¹Jala dipambahen do na jat balos ni na denggan, jala dimusui do ahu ala na hupareak na denggan i. [498†]

²²Sai unang ma tadingkon ahu, ale Jahowa, Debatangku! Sai unang paholang Ho sian ahu! [499†]

²³Sai hapogani ma mangurupi ahu, ale Tuhan, hatuaonku. [500†]