Read Batak Toba PSALMEN 40 Bible Online

PSALMEN 40 - Batak Toba bible

PSALMEN 40

¹Ende sian si Daud. I.

²Sai tong do huhaposi Jahowa, jadi dipaeleng Ibana dirina tu ahu, jala ditangihon alualungku.

³Jala dienet ahu tu ginjang sian * godung halonongan, sian dore na pilhot, jala dipajongjong tothu tu atas ni + dolok batu, marsihohot langkalangkangku dibahen. [514†]

⁴Dung i dilehon muse * ende na imbaru tubagasan pamanganku, pujipujian tu Debatanta. Lan do na marnidasa, gabe mabiar nasida, jala marhaposan tu Jahowa. [515†]

⁵Martua ma baoa na mambahen Jahowa haposanna, jala na so olo marbalik paihuthon siginjang roha i, angka na paulaula gabus.

⁶Torop do angka halongangan dohot sangkapsangkap dibahen Ho humongkop hami, ale Jahowa, Debatangku, ndang tarpajojor tu Ho, nang pe naeng baritahononku jala paboaonku, ndang tarpajojor tahe dibahen toropna. [516†]

⁷Ndang lomo roham di * pelean sipotongon dohot sipanganon, ditura Ho + pinggolhu duansa, ndang dipangido Ho pelean situtungon dohot pardosaon. [517†]

⁸Jadi ningku ma: Ida ma, nunga ro ahu mamboan buku, * na sinurat taringot tu ahu. [518†]

⁹Dipangido rohangku do patupahon lomo ni roham, ale Debatangku, jala di parsitongaan ni rohangku do patikmi. [519†]

¹⁰Hubaritahon do hatigoran di * luhutan na bolon i; ida ma, ndang + hututup bibirhu, diboto Ho do i, ale Jahowa. [520†]

¹¹Ndang hutabunihon hatigoranmu di bagasan rohangku; sai hupaboaboa do hasintonganmu dohot hatuaonmi; * ndang huporso asi ni roham dohot habonaronmi tu luhutan na bolon. [521†] II.

¹²Ho, ale Jahowa, sai unang polpol angka asi ni roham sian ahu: * Denggan basam dohot habonaronmi ma mangaramoti ahu tongtong. [522†]

¹³Ai tuk do humaliang ahu angka parsorion, maradu so habilangan, disoro * angka dosangku do ahu, gabe so malo ahu marnida, + tumorop do angka i sian obuk ni ulungku, jala diparsitadingi rohangku do ahu. [523†]

¹⁴Sai lomo ma roham, ale Jahowa, paluahon ahu! Hapogani ma, ale Jahowa, mangurupi ahu!

¹⁵Ingkon maila nian jala murak sude angka na paburuburu hosangku laho maniaphon nian. Ingkon sumurut tu pudi jala murak nian angka na mangkalomohon hinamagongki. [524†]

¹⁶Ingkon tarhatotong nian nasida ala ni haurahonnasida i, angka na mandok tu ahu: E, debai! E, debai! [525†]

¹⁷Ingkon marolopolop nian jala marlas ni roha di bagasan Ho sude angka na mangalului Ho, ingkon tongtong ma dohonon ni angka na mangkaholongi hatuaonmi: Timbul do Jahowa! [526†]

¹⁸Dangol pe ahu jala pogos, Tuhan i do sumarihon ahu. Ho do pangurupingku dohot sipalua ahu! Ale Debatangku, sai unang pabenda! [527†]