Read Batak Toba PSALMEN 41 Bible Online

PSALMEN 41 - Batak Toba bible

PSALMEN 41

¹Ende sian si Daud. I.

²Martua ma halak na manatap uhum tu na soro ni ari on, sai paluaon ni Jahowa do ibana di * ari hinamago. [528†]

³Ramotan jala pangoluon ni Jahowa do ibana, martua do ibana bahenonna di tano on, jala ndang tagamon lehononmu ibana ripe rupaon ni musuna. [529†]

⁴Sandeon ni Jahowa ma ibana di podoman parsahiton, dipahosing Ho do lagena sudena di parsahitonna i. II.

⁵Ianggo ahu ningku do: Asi ma roham di ahu, ale Jahowa, sai pamalum rohangki, ai dompak Ho do ahu mardosa. [530†]

⁶Roa do ianggo pandok ni angka musungku tu ahu: Sadihari ma ibana mate, asa pesan nian goarna i?

⁷Jala ia ro ibana mandulo, gabus do dipangkatahatahon; papungupungu hajahaton do rohana di ibana, ruar tu balian ibana, dihatahon ma i.

⁸Masihusipan do sude angka na mangkasomorhon ahu laho tumahi ahu, roa do sangkapnasida dompak ahu.

⁹Dituangkon do tu ibana hata na jahat sahali, jala ndang be tagamon * hehe na peakon. [531†]

¹⁰Gari * bajo hasudungan ni rohangki, na huhaposi, + na manganhon indahanku manandakkon tambihul dompak ahu. [532†] III.

¹¹Alai anggo Ho, ale Jahowa, sai asi ma roham di ahu, jala pahehe ahu, * asa hubaloshon tu nasida. [533†]

¹²Sian i do hutanda lomo ni roham mida ahu: Na so tarbahen i musungku martillahon ahu. [534†]

¹³Ianggo ahu, Ho do maniop ahu di * haburjuonku, jala dipajongjong Ho do ahu tu jolo ni bohim salelenglelengna. [535†]

¹⁴Pinuji ma Jahowa, Debata ni Israel olat ni narobi ro di saleleng ni lelengna! Amen, Amen! [536†]