Read Batak Toba PSALMEN 45 Bible Online

PSALMEN 45 - Batak Toba bible

PSALMEN 45

¹Ende sipaingot sian angka anak ni si Kora, taringot tu holong ni roha. I.

²Gurgur do rohangku dibahen hata na denggan ningku do: Rajai do nampuna angka pambahenanki angka endengki, panurat ni na pande manurat do dilangku. [571†]

³Ummuli do Ho sian angka anak ni jolma, janggaleman do use tu bibirmu, ala ni do umbahen dipasupasu Debata ho salelenglelengna. [572†]

⁴Hohoshon ma podangmu tu gontingmu, ale ulubalang, ro di hamuliaonmu dohot hatongamonmu.

⁵Sai marantu ma hamuliaonmu, borhat ma Ho marhureta humongkop hasintongan dohot haserepon ni hatigoran, jadi ajaron ni siamunmu ma Ho mambahen angka halongangan. [573†]

⁶* Tajom do angka sumbiami, marraggean ma + angka bangso tu toru ni patmu; ditorusi do angka ateate ni musu ni rajai. [574†]

⁷* Ia habangsami ale Debata, hot do ro di salelenglelengna, tungkot hatigoran do tungkot ni harajaonmi. [575†]

⁸Dihaholongi Ho do hatigoran, jala dihagigihon roham do hajahaton, ala ni do umbahen dimiakkon Debatam * miak halalas ni roha tu Ho + sumurung sian na tu angka donganmu. [576†]

⁹Gota Mir dohot Aloe, Cendana do angka ulosmu sudena las do roham dibahen parhinaloan na piniltihan sian angka * bagas gading. [577†] II.

¹⁰Angka boru ni raja do di tongatonga ni angka haholonganmu, * jongjong di siamunmu do oroan i marpangkean sere sian Opir. [578†]

¹¹Tangihon, ale boru hasian, ida jala paeleng pinggolmu, jala halupahon bangsomu dohot bagas ni amangmu. [579†]

¹²Asa dihalomohon rajai hinaulim, ai Ibana do Tuhanmu jala ingkon marsomba tu Ibana ho.

¹³Dohot do boru Tirus, angka na mora ni bangso i, marhasiholhon bohim mardongan silua. [580†]

¹⁴Marmulia situtu do boru ni rajai di bagasan bilut, na pinunsa dohot sere do pangkeanna. [581†]

¹⁵Marpangkean na niangit do ibana ditogihon tu rajai, angka namarbaju alealena i ihut sian pudina, ditogihon tu Ho.

¹⁶Marlas ni roha jala marolopolop do nasida ditogihon laho masuk tu bagas ni rajai.

¹⁷Angka anakmu ma sumingkat amamu, * pabangkitonmu ma nasida gabe pangarajai di liat portibi on. [582†]

¹⁸Sai pujionku do goarmu marsundutsundut, ala ni pujion ni angka bangso ma Ho salelenglelengna.