Read Batak Toba PSALMEN 47 Bible Online

PSALMEN 47 - Batak Toba bible

PSALMEN 47

¹Ende sian angka anak ni si Kora.

²Martopaptopap tangan ma sude hamu angka bangso! Puji hamu ma Debata mardongan soara olopolop! [591†]

³Ai Jahowa do na tumimbul, na songkal, Raja bolon do Ibana gumomgom liat portibi on. [592†]

⁴Papatuonna do angka bangso tu hita dohot angka marga tu toru ni patta. [593†]

⁵Ibana do mamillit di hita pargolatanta, hatimbulon ni si Jakkob, na hinaholonganna i. Sela. [594†]

⁶Manaek do Debata mardongan parolopolopon, Jahowa mardongan soara ni sarune. [595†]

⁷Sai endehon hamu ma Debata! Sai endehon hamu ma Rajanta i! Endehon ma tutu!

⁸Ai Debata do Raja ni liat portibi on, endehon hamu ma ende sipodaon. [596†]

⁹Debata do mangarajai angka parbegu, hundul do Debata di atas habangsa habadiaonna i. [597†]

¹⁰Marpungu do angka na sangap ni angka bangso tu * bangso ni Debata ni si Abraham, ai Debata do nampuna angka + lombulombu raja ni tano on, timbul situtu Ibana. [598†]