Read Batak Toba PSALMEN 48 Bible Online

PSALMEN 48 - Batak Toba bible

PSALMEN 48

¹Ende sian angka anak ni si Kora. I.

²Timbul do Jahowa jala pujion situtu di bagasan * huta ni Debatanta, di atas + dolok habadiaonna i. [599†]

³Denggan do martagahambing, * silas ni roha ni liat portibi on do dolok Sion i, suhi na tungkan utara, + huta ni Raja na timbul i. [600†]

⁴Tau partanobatoan do Debata, tartanda di angka bagasnasida. [601†]

⁵Ai ida ma, marluhut do angka raja mandapothon. [602†]

⁶Hape dung diida nasida, pintor tarhatotong do, mabuk be do nasida maporus.

⁷Angka hitir do nasida disi, mangae songon boruboru na laho mangintubu. [603†]

⁸Diropuhi Ho do angka parau Tarsis marhitehite * alogo sian habinsaran. [604†]

⁹Suman do tu barita na hubege hami do huida hami di bagasan huta ni Jahowa Zebaot, di bagasan huta ni Debatanta i, sai pahoton ni Debata do i ro di salelenglelengna. Sela. [605†] II.

¹⁰Ditimbang rohanami do, ale Debata, asi ni roham di parsitongaan ni * joromi. [606†]

¹¹Suman tu goarmu do baritam, ale Debata, ro di ujung ni tano on, gok hatigoran do siamunmi.

¹²Marlas ni roha ma dolok Sion, marolopolop ma angka * boru Juda ala ni panguhummu. [607†]

¹³Haliangi hamu ma Sion i jala liati hamu, bilangi hamu ma angka partanobatoanna i.

¹⁴Tangkasi hamu ma parikna i, sigati hamu ma angka bagasna i, asa tarpajojor hamu tu pinomparmu sogot.

¹⁵Paboa Debata on do Debatanta ro di salelenglelengna, Ibana * manogu hita ro di hamatean. [608†]