Read Batak Toba PSALMEN 49 Bible Online

PSALMEN 49 - Batak Toba bible

PSALMEN 49

¹Ende sian angka anak ni si Kora.

²Tangihon ma on, sude hamu angka bangso, tarehon ma pinggolmu, sude hamu pangisi ni hasiangan on. [609†]

³Nang hamu situan natorop, nang raja, ro di na mora dohot na pogos!

⁴Hatahonon ni pamanganku ma habisuhon, jala hapistaran do pingkiran ni rohangku.

⁵Paelengonku ma pinggolhu tu umpama, papataronku ma * hulingkulinganku mardongan parhinaloan. [610†]

⁶Boasa ma tung tahuton ahu di * angka ari parhinamagoan, di na hinaliangan ni hajengkelon ni angka na mangarupa ahu? [611†]

⁷Angka na marhaposan tu sinamotna, jala dihaginjangkon hinagok ni hamoraonnasida. [612†]

⁸So manang tartobus manang ise donganna manang tarlehonsa partobusna tu Debata. [613†]

⁹Maargahu do partobus ni tondina i, ingkon pasohotonna do salelenglelengna. [614†]

¹⁰Tung mangolu ma ibana ro di salelenglelengna, so idaonna tanoman?

¹¹Ingkon idaonna do marmatean angka na bisuk i, rap mago do na oto dohot na londongon, jadi tading di na asing ma sinamotna. [615†]

¹²Ianggo rohanasida nian di bagasan: Salelenglelengna do bagasnasida i, inganannasida pe marsundutsundut, goarnasida do dibahen pambuatan ni goar ni angka golat.

¹³Hape ndang mangulon jolma di hadoharonna i * doshon pinahan do nasida diragehon. [616†]

¹⁴I ma pangalaho ni angka na mangasahon haotoonna, dohot angka na mangihuthon nasida, angka na mangkalomohon hatanasida i. Sela!

¹⁵Sobokkon birubiru do nasida dipabara tu banuatoru, * hamatean do marmahan nasida, jala rajaan ni angka na tigor roha i ma nasida di na sansogot i, turtaran ni banuatoru ma pinangasahonnasida i, gabe ndang adong be + inganannasida. [617†]

¹⁶Alai anggo tondingki, sai * tobuson ni Debata do sian tangan ni banuatorui, ai + jangkononna do ahu. Sela! [618†]

¹⁷Unang ma ho tahuton, molo lam mamora sahalak, molo ganda hamuliaon ni bagasna i. [619†]

¹⁸Ai ndang boanonna sudena i di hamamatena i, ndang ihuthonon ni hamuliaonna i ibana laho tuat. [620†]

¹⁹Ai nang pe diparhatua tondina i di ngoluna jala dipapujipuji halak ho, ala dibahen ho na denggan i tu ho: [621†]

²⁰Sai topotonna do sundut ni ompuna, angka na so * marnida hatiuron salelenglelengna. [622†]

²¹Sobokkon pinahan do rage jolma di hadoharon, molo so marroha ibana. [623†]