Read Batak Toba PSALMEN 5 Bible Online

PSALMEN 5 - Batak Toba bible

PSALMEN 5

¹Ende sian si Daud.

²Sai * tangihon ma, ale Jahowa, angka hatangki, sai timbang ma ho i ni rohangku. [35†]

³Sai patinggil ma pinggolmu * ale Rajangku dohot Debatangku, tumangi soara ni anggukkon, ai tu Ho do ahu martangiang. [36†]

⁴Sogot ma, ale Jahowa, tangihon soarangku, sogot do ahu marhobas manopot Ho, jala manatapnatap ahu. [37†]

⁵Ai ndang lomo roham mida hageduhon, ale Debata, jala ndang tarsorang na geduk marroha i Ho. [38†]

⁶Ndang manahan * angka na ginjang marroha maradophon pamerengmu, dihosom roham do nasa siulahon na so uhum. [39†]

⁷Matua * diago Ho do, ale Jahowa, angka sidon gabus, jala dihagigihon roham do halak angka na + tumahi mudar dohot sipaotooto. [40†]

⁸Alai ianggo ahu, sian godang ni asi ni roham sai bongotanku do bagasmu, marsomba dompak bagas ni habadiaonmi, mangkabiari Ho. [41†]

⁹Ale Jahowa, sai * togu ma ahu marhitehite hatigoranmu + ala ni angka na mangonggop ahu, sai pahornop ma dalanmu di jolongku. [42†]

¹⁰Ai ndang pos roha di hatanasida i, sai hamagoan do tahi ni rohanasida di bagasan, * godung na talak do tolonnasida i, + dipalanditlandit do ia dilana. [43†]

¹¹Torui ma nasida, ale Debata, sai ambalhon ma tahi ni rohanasida i, ambolongkon ma nasida ala hinadeak ni pangalaosionnasida i, ai dompak Ho do nasida manenganenga. [44†]

¹²Sai marlas ni roha ma sude angka na marhaposan tu Ho, sai marendei ma nasida ro di salelenglelengna ala ni ondinganmu nasida, sai marolopolop ma mida Ho angka na holong roha di goarmu. [45†]

¹³Ai Ho do, ale Jahowa, mamasumasu na tigor marroha i, songon lombulombu do * dihaliangkon Ho asi ni rohami tu ibana. [46†]