Read Batak Toba PSALMEN 50 Bible Online

PSALMEN 50 - Batak Toba bible

PSALMEN 50

¹Ende sian si Asap. Mangkuling do Debata Jahowa, jala martingting tu tano on sian habinsaran tolhas ro di hasundutan. [624†]

²Sian Sion, situan ni hinadenggan marsinondang Debata. [625†]

³Sai na ro Debatanta, jala ndang tagamon hohom Ibana, di jolona do api mandilatdilat, jala ronggur na gogo situtu humaliang Ibana. [626†]

⁴Dipio do angka langit sian ginjang, ro di tano on, asa diuhum bangsona. [627†]

⁵* Papungu hamu ma tu Ahu angka na daulat marroha + angka na marpadan dohot Ahu marhitehite pelean. [628†]

⁶Jadi dibaritahon angka langit ma hatigoranna, ai apala Debata do panguhum. Sela! [629†]

⁷Sai tangihon ma, ale bangsongku, asa mangkuling Ahu: Ho ale Israel, asa huhatindangkon tu ho: * Ahu Debata do Debatam. [630†]

⁸Ndada ala ni peleanmi umbahen hupinsang ho, manang ala ni peleanmi situtungon, angka na tongtong di jolongku. [631†]

⁹Ndang nian pola sian jabum Ahu mambuat lombu, manang hambing sian angka baram.

¹⁰Ai guru di Ahu do sude binatang ni harangan, pinahan na marriburibu angka na di dolok pe.

¹¹Hutanda do sude pidong angka na di dolok, ro di angka na manggulmit di ladang guru di Ahu do.

¹²Tung sura male Ahu, ndang pola tu ho Ahu mangalualu, ai * guru di Ahu do liat portibi on ro di isina. [632†]

¹³Tung panganonku ma juhut horbo tunggal manang inumonku mudar ni angka hambing?

¹⁴* Pelehon ma tu Debata hamauliateon, jala + garari ma angka bagabagami tu Natumimbul. [633†]

¹⁵Jala jou ma Ahu jumpa di ari hagogotan, asa hupalua ho, asa dipuji ho Ahu. [634†]

¹⁶Alai anggo tu parjahat i ninna Debata do: Boasa tung hum ho jumamitahon angka patikki, jala leap di bagasan pamanganmu padan na hubahen i? [635†]

¹⁷Hape * dihagigihon roham do sipaingot, jala + ditundalhon ho do angka hatangki. [636†]

¹⁸Ia adong diida ho panangko, laos * lomo do roham mandongani ibana, jala + satahi do ho dohot angka pangalangkup. [637†]

¹⁹Dipasombu ho do roharoha ni pamanganmu mandok najat dohot dilam mandandani sipaotooto.

²⁰Sai hundulhundul do ho pahatahata donganmu, sai disuan ho do gasa tu anak ni inangmu.

²¹Sai songon i do dibahen ho, jala sai * sip do Ahu, jadi ninna roham ma tudoshon ho do Ahu. Sai pinsangonku do ho tahe, jala rujionku do apala di jolo ni matam. [638†]

²²Sai timbang ma i hamu, ale angka na mangkalupahon Debata, asa unang sanga * husoro hamu, soadadong na paluahon. [639†]

²³Manang ise na mamelehon hamauliateon, i do na pasangap Ahu, jala mambahen lapang, asa hupatuduhon di ibana * hatuaon ni Debata. [640†]