Read Batak Toba PSALMEN 51 Bible Online

PSALMEN 51 - Batak Toba bible

PSALMEN 51

¹Ende sian si Daud.

²Uju na ro panurirang si Natan manopot ibana, dung diparjolma Nai Batseba. [641†] I.

³Asi ma roham di ahu, ale Debata, hombar tu denggan ni basam, sai sesa ma angka pangalaosingku hombar tu godang ni asi ni roham. [642†]

⁴Ias situtu ma ahu buri sian hajahatonku, jala paias ma ahu sian dosangku.

⁵Ai nunga huboto angka pangalaosingku, jala sai tong do sonson di jolongku dosangku. [643†]

⁶Dompak Ho sambing do ahu mardosa, jala * najat situtu do di matam na huulahon, asa tung + bonar Ho di bagasan pandohanmu, pita di bagasan panguhummu. [644†]

⁷Tongon do di bagasan hajahaton do ahu tubu, jala di bagasan dosa dijangkon dainang ahu. [645†]

⁸Sintong ni roha di bagasan do tongon lomo ni roham, antong pabotohon ma * habisuhon tubagasan rohangku. [646†]

⁹Sai urasi ma ahu sian dosangku marhitehite * sanggul, asa tung ias ahu; sai buri ma ahu, asa + sumaksak ahu sian itak. [647†]

¹⁰Sai patubegehon ma tu ahu hasonangan dohot las ni roha, asa marolopolop holiholi, angka naung ginopuanmu. [648†]

¹¹Sai hungkupi ma bohim mida angka dosangki, jala sesa ma angka hajahatonku sudena. II.

¹²Tompa ma roha na ias di bagasan ahu, ale Debata, jala paimbaru ma tondi na marsihohot di bagasan ahu. [649†]

¹³Sai unang pabali ahu sian jolom, jala unang unsati tondim na badia i sian ahu. [650†]

¹⁴Sai pasuang ma tu ahu halalas ni hatuaonmu, jala togu ma ahu marhitehite tondi ni haringgason.

¹⁵Asa huajarhon * angka dalanmu tu angka parjahat, asa mulak angka pardosa tu Ho. [651†]

¹⁶Sai palua ma ahu sian angka * parsapataon mudar, ale Debata, Debata ni hatuaonku, asa dipuji dilangku + hatigoranmu. [652†]

¹⁷Sai pabuha ma bibirhu, ale Tuhan, asa dibaritahon pamanganku pujipujianmu.

¹⁸Ai ndang dihalomohon roham pelean sipanganon, sai na lehononku do nian, jala ndang lomo roham di pelean situtungon. [653†]

¹⁹Angka pelean tu Debata: I ma tondi na magopu, tongon do roha na magopu dohot na bojok, ndang ditulakkon roham, ale Debata. [654†]

²⁰Sai bahen ma na denggan tu Sion marningot denggan ni basam, sai pauli ma angka parik ni Jerusalem. [655†]

²¹Dung i disi ma halomohononmu * angka pelean hatigoran, pelean situtungon dohot ** pelean na sun denggan, disi ma pelehononhon + angka lombu di atas langgatanmu. [656†]