Read Batak Toba PSALMEN 56 Bible Online

PSALMEN 56 - Batak Toba bible

PSALMEN 56

¹Ende sieheteheton sian si Daud uju na tinangkup ni halak Palistim ibana di huta Gad. [687†]

²Asi ma roham di ahu, ale Debata, ai * naeng polgahan ni jolma na gale i do ahu, ganup ari disosak musu i ahu. [688†]

³Ganup ari do naeng polgahan ni angka alongku ahu, ai torop do musu mangalo ahu sian ginjang ni roha.

⁴Di ari hatahutanku, sai tu Ho do ahu marhaposan.

⁵Mangasahon Debata, sai pujionku do hatana, Debata do na huhaposi, ndang tahuton ahu, tung hahuaon ni sibuk ma ahu? [689†]

⁶Ganup ari do dipabalikbalik nasida angka hatangku, sai tu najat do pingkirannasida sudena mangalo ahu.

⁷Sai marpungupungu do nasida mangaropi, dihampungi nasida do angka langkalangkangku, songon angka na marbajo hosangki.

⁸Tung dapotan haluaon ma nasida tagamon di hajahatonna i? * Tinggangkon ma angka bangso di bagasan rimas, ale Debata! [690†]

⁹Dibilangi Ho do paraotaotanku, sai bahen ma iluilungku tubagasan tabutabumu! Tung so * tarsurat angka i di bagasan bukumu? [691†]

¹⁰Ingkon sumurut tu pudi sogot angka musungku, di ari pangalualuanku; tangkas do huboto on: Debata do mandongani ahu. [692†]

¹¹Mangasahon Debata, pujionku do hata i, mangasahon Jahowa, pujionku do hata i. [693†]

¹²Marhaposan tu Debata do ahu, ndang tahuton ahu, tung hahuaon ni jolma i ahu? [694†]

¹³Sai dondon do tu ahu angka bagabaga tu Ho, ale Debata, sai gararonku do tu Ho angka * pelean hamauliateon. [695†]

¹⁴Ai nunga * dipalua Ho dosangku sian hamatean, pathu pe sian partuktuhan, asa marpangalaho ahu di jolo ni Debata, di bagasan + hatiuron ni hangoluan. [696†]