Read Batak Toba PSALMEN 57 Bible Online

PSALMEN 57 - Batak Toba bible

PSALMEN 57

¹Ende sieheteheton sian si Daud, di hapoporusna maradophon si Saul tubagasan liang. [697†] I.

²Sai asi ma roham di ahu, ale Debata, asi ma roham di ahu, ai marhaporusan tu Ho do rohangku, jala di * linggom ni habongmi do ahu marondingonding, paima + salpu parmaraan i. [698†]

³Sai mangalualu tu Debata na tumimbul i do ahu, tu Debata, siluluhon ahu.

⁴Tongoshononna do sian banua ginjang, asa manumpahi ahu, paurahonna do na naeng mamolgak ahu. Sela! * Tongoshonon ni Debata do asi ni rohana dohot hasintonganna. [699†]

⁵Di tongatonga ni angka singa do hosangki, marsaro do ahu di tongatonga ni angka na gara marroha, angka jolma manisia, doshon hujur dohot sumbia do iponnasida, jala doshon podang na tajom do dilanasida i. [700†]

⁶Sai patimbul ma dirim, ale Debata, tu atas ni langit, hamuliaonmu, tu sandok tano on. [701†]

⁷Nunga ditaon nasida jorgong di langkalangkangku, nunga tarjimput rohangku; nunga dihali nasida di jolongku sada godung, hape nasida sandiri madabu tubagasan. Sela! [702†] II.

⁸* Nalom do rohangku, ale Debata, nalom do rohangku, sai marende ma ahu huhut umpalu parhinaloan. [703†]

⁹Ngot ma ho, ale saudarangki tondingki, ngot ma ho ale parhinaloan! Tarsunggul ma ahu buha siang ari.

¹⁰* Pujionku ma Ho, di tongatonga ni angka bangso, ale Tuhan, endehononku ma Ho di tongatonga ni angka marga. [704†]

¹¹Ai timbul do sahat ro di langit asi ni roham, jala tolhas ro di auangauang do hasintonganmu. [705†]

¹²Sai patimbul ma dirim tu atas ni langit, ale Debata, hamuliaonmu tu sandok tano on. [706†]