Read Batak Toba PSALMEN 58 Bible Online

PSALMEN 58 - Batak Toba bible

PSALMEN 58

¹Ende sieheteheton sian si Daud. I.

²Tung na tutu do ulaning mangkajongjongkon * hatigoran na pinompoman hamu, mandabu uhum hasintongan hamu, + ale anak ni jolma? [707†]

³Ndangana, lam hageduhan do dipajadijadi rohamuna di bagasan, uhum gogo na niula ni tanganmuna disagihon hamu di tano on.

⁴Sian bortian dope, sai marbalik do angka parjahat i, olat ni dung tubu, sai lilu do angka sidok gabus. [708†]

⁵Tudoshon bisa ni ulok do bisanasida i, songon ulok dari na ngungu, na sumongsong pinggolna. [709†]

⁶Asa unang dibege soara ni panubuti, angka na pande martabas i. [710†] II.

⁷Sai ropangi ma iponnasida di bagasan pamangannasidai, ale Debata, ponggolhon ma ngadol ni angka singa na bajar, ale Jahowa!

⁸Sai * mabaor ma nasida, songon aek na laho moru, ditujuhon pe sumbiana i, hape songon angka na tinamtaman do. [711†]

⁹Songon ansisibang na pisar nidege do ibana mago, * songon silumaksaijur ni boruboru, na so sanga mida mata ni ari. [712†]

¹⁰Tagan so dihirimhirim hudonmuna dope sampilpil, nunga dipurpurhon Debata nang na tata nang na masak.

¹¹Marlas ni roha ma partigor i sogot, ia dung diida partubolon i, * marsapu mudar ma patna di bagasan mudar ni parjahat i. [713†]

¹²Jadi dohonon ni jolma ma: * dapotan laba do hape partigor i, tongon do adong Debata + na manguhum portibi on. [714†]