Read Batak Toba PSALMEN 6 Bible Online

PSALMEN 6 - Batak Toba bible

PSALMEN 6

¹Ende sian si Daud. I.

²Ale Jahowa unang uhumi ahu di bagasan rimasmu, jala unang ajari ahu di bagasan parpiar ni murukmu. [47†]

³Asi ma roham di ahu, ale Jahowa, ai mauas do huhilala; pamalum ahu, ale Jahowa, ai angka hitir do sude holiholingku. [48†]

⁴Rohangku di bagasan pe mansai mallobuk do, sadia leleng on Ho, ale Jahowa? [49†]

⁵Sai marpangulahi ma roham, ale Jahowa! Malua ma hosangku! Urupi ahu ala ni denggan ni basam. [50†]

⁶Ai anggo di hamatean ndang adong be parningotan tu Ho; jala tung ise mamuji Ho, dung ro di banua toru? [51†]

⁷Maheu do huhilala dibahen ponjot ni rohangku, ganup borngin do huhembangi lagengku, mansai maraek do nang bulusanku dibahen iluilungku. [52†]

⁸Pola do lotop matangku sian marsak ni rohangku, pola naung gabe matua, dibahen sude angka na manosak ahu. [53†] II.

⁹Pasurut ma sian ahu, sude hamu angka na mangulahon na so uhum, ai nunga ditangihon Jahowa soara ni angukkon.

¹⁰Nunga ditangihon Jahowa hoingkon, dijangkon do ia tangiangkon. [54†]

¹¹Tarurak jala tarsonggot situtu do sogot sude angka musungku; hapogan do nasida laho sumurut, jala tarurak so pangkiriman. [55†]