Read Batak Toba PSALMEN 62 Bible Online

PSALMEN 62 - Batak Toba bible

PSALMEN 62

¹Ende sian si Daud. I.

²Tu Debata sambing do marhuraja rohangku, sian Ibana ro hatuaonku. [742†]

³Holan Ibana do partanobatoanku dohot hatuaonku, haporusanku ndang pola sadia humordit ahu. [743†]

⁴Sadia leleng on do hamu martahop dompak sada baoa, tung luhut hamu naeng mangarumpakkon ibana * songon dorpi ni jomba, songon parik na matompas? [744†]

⁵Sai martuptup i nasida naeng mangonjarhon ibana sian hatimbulonna i, mangapian di gabus, mamasumasu ia pamanganna, hape mamburai do ianggo rohanasida di bagasan. Sela! [745†]

⁶Holan tu Debata ma ho marhuraja, ale tondingki, ai sian Ibana ro sihirimonku. [746†]

⁷Holan Ibana do partanobatoanku dohot hatuaonku, haporusanku, ndang tagamon humordit ahu. [747†]

⁸Guru di Debata do hatuaonku dohot hamuliaonku, partanobatoan ni hagogoonku, marhaposan tu Debata do ahu. [748†]

⁹Sai marhaposan tu Ibana ma tongtong nang hamu, ale dongan jolma! * Usehon hamu ma rohamuna tu jolona, Debata do haposanta. Sela! [749†] II.

¹⁰Hosa sambing do ianggo jolma manisia, gabus do * anak ni baoa nang nasangap, mungkal tu ginjang di bagasan timbangan, sian hosa do nasida luhutna. [750†]

¹¹Unang ma pangasahon hamu pangarupaon, jala unang haginjangkon hamu na nidobo, * unang ma mangapian rohamuna di gandaganda ni sinamot. [751†]

¹²Sahali do mangkuling Debata, dua hali do i hubege: Saguru di Debata do hagogoon. [752†]

¹³Jala gok di Ho do, ale Tuhan, asi ni roha, ai dibaloshon Ho do tu ganup jolma hombar tu pambahenanna. [753†]