Read Batak Toba PSALMEN 64 Bible Online

PSALMEN 64 - Batak Toba bible

PSALMEN 64

¹Ende sian si Daud. I.

²Ale Debata, sai tangihon ma soarangku di alualungkon, sai ramoti ma ngolungkon maradophon hasosonge ni musu.

³Sai ondingi ma ahu maradophon partuptupan na buni ni angka parjahat i, maradophon hagunturon ni angka siulahon hajahaton. [763†]

⁴Angka na patajom dilanasida songon podang, angka na manujuhon sumbianasida mandok hata na sogir. [764†]

⁵Asa * disior na lidang roha i di sibunian, tompu ibana disior, so pangkirimanna, jala ndang maralang rohanasida. [765†]

⁶Tung dipirhon nasida do * jat ni tahina i, dipatarhon do laho manabunihon jorgong, + angka ninna do: Tung ise ma marnida angka i? [766†]

⁷Sai * angka hajahaton do dipingkiri nasida, marujung do dibahen sangkap piningkiranna i, tung lung na bagas do roha ni baoa i di bagasan. [767†] II.

⁸Alai sioron ni Debata do nasida, sumbia so pangkiriman mambugangi nasida.

⁹Tardapot ma nasida dibahen * dilanasida i, + mangupir be do sude na marnida nasida. [768†]

¹⁰Jadi mabiar ma sude manisia, jala dibaritahon pambahen ni Debata, jala diantusi ulaonna i. [769†]

¹¹Marlas ni roha ma ianggo partigor i mangasahon Jahowa, jala marhaposan tu Ibana, jala mamujimuji ma sude na tigor roha i. [770†]