Read Batak Toba PSALMEN 69 Bible Online

PSALMEN 69 - Batak Toba bible

PSALMEN 69

¹Ende sian si Daud. I.

²Sai tumpahi ma ahu, ale Debata, ai nunga sipat ro di hosa angka aek i. [834†]

³Nunga pola lonong ahu tubagasan gambo lisop, soada hajongjongan, nunga pola tolhas ahu tu lintong laut angka na bagas i, jala dilungkupi galumbang i ahu. [835†]

⁴Nunga pola maheu ahu dibahen joujoungki, nunga mahiang aruarungku, nunga pola lotop matangku mangkalungunhon Debatangku.

⁵* Tumorop do sian obuk ni ulungku angka na mangkosom ahu, soada paralaan, angka na gogo be mangago ahu, angka musungku pangalajak; + abulonku do nang na so hudobo. [836†]

⁶Ala Debata, Ho do umboto taringot tu haotoanki, jala ndang tarporso angka dosangki maradophon Ho.

⁷Sai unang ma muruk mida ahu angka na mangkaposi Ho, ale Tuhan Jahowa Zebaot, sai unang ma tarila mida ahu angka na mangalului Ho, ale Debata ni Israel! [837†]

⁸Ai humongkop Ho do ahu tumaon insahinsak, dihungkupi hailaon bohingku. [838†]

⁹Pola banding angka donganku tu ahu, gabe halak na buro di roha ni donganku saina. [839†]

¹⁰Ai * hamuruhon humongkop bagasmu do manganhon ahu, jala taha tu ahu do + reherehe ni angka na mangarehei Ho. [840†]

¹¹Sai tumatangis do ahu jala tumaon parpuasaon do rohangku, hape manjadi reherehe tu ahu do i.

¹²Hori do hubahen abithu, jadi pambuatan * umpama do ahu dibahen nasida. [841†]

¹³Sai dipahatahata angka na hundul di partungkoan i do ahu jala alingalingan ni angka siparmabuk. [842†] II.

¹⁴Alai anggo ahu sai tong do tu Ho tangiangki, ale Jahowa, di * tingki halehetanna; ale Debata, sai alusi ma ahu hombar tu hasintongan ni hatuaonmi ala ni godang ni asi ni roham. [843†]

¹⁵Sai palua ma ahu sian gambo lisop i, asa unang lonong ahu, asa malua ahu sian angka na humosom ahu dohot sian lintong laut angka na bagas i. [844†]

¹⁶Sai unang diaupi galumbang ni aek i ahu, jala unang dibondut pusat i ahu, manang dilungkuphon godung i babana di atas ahu.

¹⁷Sai alusi ma ahu, ale Jahowa, ai denggan do asi ni roham; sai dompakkon ma ahu hombar tu godang ni asi ni roham. [845†]

¹⁸Sai unang tabunihon bohim maradophon naposomon, ai hagogotan do ahu, hapogani ma mangalusi ahu.

¹⁹Sai padonok ma Ho tu rohangku paluahonsa, sai palua ma ahu * ala ni angka musungku. [846†]

²⁰Ianggo Ho, ditanda Ho do hailaonku dohot haurahonku dohot halenjengongku, di jolomi do sude angka alongku.

²¹Haurahon do * manostosi rohangku, gabe matemate ahu marsahit, jala hupaimaima panangisi, hape so adong; dohot angka + pangapuli, hape ndang jumpang ahu. [847†]

²²Lam pogu do dilehon nasida panganonku, jala na asom do dipainumhon tu ahu di hauaski. [848†]

²³Sai gabe jorgong ma mejanasida di jolo nasida, jala aring di angka na marsonangsonang. [849†]

²⁴Sai homur ma matanasida, asa unang marnida jala angka hitir ma tongtong bahen haehaenasidai. [850†]

²⁵Pangusehon ma tu nasida rimasmu, jala parpiarpiar ni murukmu manoro nasida.

²⁶Sai tarulang ma bagasnasida i, sai unang ma marpangisi undungundungnasida i. [851†]

²⁷Ai dilele nasida do na * nilinsingmu, jala dipangkatahatahon nasida do habebernit ni angka na binuganganmu. [852†]

²⁸Sai tambai ma hasalaan tu hasalaannasida i, asa unang sahat nasida tu hatigoranmi. [853†]

²⁹Sai sosa ma nasida sian * pustaha hangoluan, asa unang tarsurat nasida rap dohot angka partigor i. [854†]

³⁰Alai na dangol do ianggo ahu, jala marsingkor, sai patimbulon ni hatuaonmi do ahu sogot, ale Debata. III.

³¹Pujionku ma goar ni Debata marhitehite ende, jala pasangaponku ma Ibana marhitehite pujipujian.

³²Jadi lomoan ma roha ni Jahowa disi asa mida jonggi manang lombu sitingko tanduk, na martambirik. [855†]

³³Diida angka na dangol i ma i, gabe las ma rohanasida; sai hiras ma rohamuna, hamu ale angka na mangalului Debata! [856†]

³⁴Ai ditangihon Jahowa do angka na pogos, jala ndang lea rohana mida bangsona na tarbuang i.

³⁵Sai pujion ni langit dohot tano on do Ibana sogot, angka laut pe ro di nasa na manginsir di bagasan angka i.

³⁶Ai sai tumpahan ni Debata do Sion jala paulionna do angka huta ni Juda, asa maringan nasida disi jala nampunasa. [857†]

³⁷Asa pinompar ni angka naposona i tumeansa sogot, jala angka na mangkaholongi goarna maringan disi. [858†]